حرصت الفنانة شيرين عبد الوهاب بإرسال رسالة دعم إلى النجم هاني شاكر، متمنية له الشفاء من أزمته الصحية التي يمر بها حاليا.
صرحت شيرين عبدالوهاب في مداخلة هاتفية لإحدى البرامج قائلة:" ألف سلامة عليك، ترجعلنا بالسلامة وبخير، وترجع لجمهورك وبلدك. إن شاء الله كبوة وهتعدي، ربنا معاك، ودعواتنا كلنا ليك ترجع لنا بألف سلامة يا رب".
تحدثت عن احتفاء الجمهور بعودتها وطرح أغنية جديدة بعنوان "الحضن شوك" قالت: "سعيدة برد الفعل حول الأغنية وحاسة إني رجعت للحياة مرة أخرى وأنا دلوقتي كويسة جدًا نفسيًا والناس كانت بتقولي إني مينفعش ترجعي وتطلعي دلوقني وأنا بغني للناس بروحي وقلبي وعايزة الناس تسمعني في كل الأوقات.
وتابعت: "كل أسبوع هنزل أغنية من هنا لحد الصيف، ووحشني الغناء، وبعمل دويتو مع محمد حماقي، وعارفة أن ربنا مش هينساني وعارفة كل أصحابي بيحبوني".مضيفة: "لو تعرفوا قيمة السرير اللي بيناموا عليه ولما بيصحوا يلاقوا باب أوضة مقفول عليهم، أو يلاقوا عربيتهم بتكلكس، أو عربية فول قدامه، وأنك تشم هواء نضيف، كل حاجة في حياتنا نعمة بس مش عارفين قيمتها".
تصدرت المطربة شيرين عبدالوهاب خلال الساعات الماضية التريند بأغنيتها الجديدة الحضن شوك، عبر قناتها الخاصة على موقع يوتيوب، والتي تعود بها للساحة الغنائية بعد غياب طويل.
وتأتي أغنية الحضن شوك من كلمات وألحان عزيز الشافعي، توزيع ومكس وماستر توما، شيلو يحيى مهدي، جيتار أحمد حسين، عود إسلام القصبجي، منتج منفذ ميدو فؤاد.