حلت الفنانة علا رامي ضيفة ببرنامج اوضة ضلمة الذي تقدمة الإعلامية إنجي هشام و كشفت عن طبيعة علاقتها بطليقها الفنان نادر أبو الليف.

قالت الفنانة علا رامي:" اتجوزنا سنتين تقريبًا وكل واحد راح لحاله وهو خلِّف، اسمنا ارتبط ببعض، لأن الفترة اللي ظهر فيها كنت أنا مراته- الخلافات اللي بينا كان ممكن تتحل لكن كنا متسرعين في الطلاق، الزوج بيتعوض لكن الابن والأخت والأخ مبيتعوضش.. محستش بالأمان مع ولا حد اتجوزته، الـ 3 جوازات محدش شغَّل دماغه عليا، كل واحد جه بظروفه، لما بينتهي الظرف ده البني آدم بيبان على حقيقته".

رد الفنان ابو الليف على تصريحات الفنانة علا رامي قائلا:" الانفصال بيني أنا وعلا كان قدر ومكتوب ونصيب، مهما كانت الخلافات أو المشاكل أو الزعل اللي بينا احنا في الآخر بينا عشرة عمر وصداقة،أتمنى أي اتنين ينفصلوا عن بعض ما ما يتكلموش عن خلافاتهم ومشاكلهم، ويفتكروا اللحظات الحلوة اللي كانت بينهم ويحترموا العشرة، لأن العيش والملح له حق".

قال  ابو الليف عن نجلها عمر خورشيد: "عمر محترم وراجل وجدع وأنا بحبه جدا".