- لحظات قاسية عاشتها فايا يونان.. تكشف تفاصيل إصابتها بسرطان الجلد: «كنت بعيط طول الوقت»
- ياسين سامح: صناعة المحتوى غيّرت خريطة اكتشاف المواهب الفنية
- نادين نسيب نجيم تشعل ليلة حناء تمارا رالف.. إطلالتان تخطفان الأنظار بين الساري الهندي وحورية البحر
- ليلة عائلية مميزة.. صابرين تحتفل بعقد قران ابنها «نور» بحضور بوسي شلبي وخالد الجندي
- نور النبوي وياسمينا العبد يشعلان الرومانسية في البرومو التشويقي لـ«ولا كان عالبال»
- لجين خليفة تكشف سر تشبيهها بياسمين عبد العزيز: «بتبسط جدًا».. ومفاجأة بشأن «الدادة دودي»
احدث الاخبار
فن حول العالم
لحظات قاسية عاشتها فايا يونان.. تكشف تفاصيل إصابتها بسرطان الجلد: «كنت بعيط طول الوقت»
كشفت الفنانة السورية فايا يونان عن إصابتها بسرطان الجلد العام الماضي، وحكت رحلتها مع المرض إلى الشفاء لتعطي بعض النصائح لجمهورها.
ونشرت فايا يونان فيديو عبر حسابها على Instagram وثقت خلاله ما حدث معها وقالت: «دي قصتي الحلوة مع السرطان بقول حلوة لأن نهايتها بالنسبالي كانت سعيدة، وبعمل الفيديو لأنه ممكن يكون سبب أنه يساعد حد، الصيف اللي فات شفت «شامة» صغيرة في ضهري وحسيت إني بشوفها لأول مرة سألت أخويا اللي هو طالب طب ولما شاف لونها غامق قالي لازم تشوفيها فات كام شهر وأنا بأجل الموضوع لغاية ما حلمت حلم كان فيه إشارة واضحة ليا، إني أروح وافحصها كنت في لبنان وفي نفس اليوم حجزت ميعاد لما الدكتورة شافت «الشامة» قالت لازم نشيلها فورا قلتلها عندي حفلة في دبي ممكن لما ارجع؟ قالتلي لا معندناش وقت».
وتابعت فايا يونان: «شلت الشامة وبعتناها للتحليل وبعد يومين وصلوا النتائج Malignant melanoma، أنا عارفة أن Malignant يعني خبيث وmelanoma يعني سرطان جلد بس مستوعبتش وخفت كتير لأني قريت النتيجة لوحدي، اتصلت بيا الدكتورة وشرحتلي أن لازم قبل السفر أعمل عملية أكبر وأشيل الجلد اللي حواليها ونبعته للتحليل عشان نتأكد أن الكانسر مش منتشر بخلايا الجلد المحيط، كل حاجة حصلت بسرعة لدرجة ملحقتش أقول لأهلي، العملية كانت تخدير موضعي وأنا كنت كل الوقت بعيط، الدكتورة كانت فكراني موجوعة بس أنا بقولها دي دموع أمتنان لأني اكتشفت قبل ما تنتشر، ولأني عندي إمكانية ووعي أروح وأطمن ولأني وثقت في حدسي، بعدها قالتلي الدكتورة أن نتيجة تحليل باقي الجلد طلعت سليمة، تاني يوم كان عندي حفلة في أوبرا دبي وكنت بشوف الحياة بشكل مختلف كليا».
وأكملت فايا يونان: «النهاردة مر سنة على القصة حسيت إني عايزة اشارككم قصتي كنوع من التوعية، في أول زيارة سألتني الدكتورة إذا كنت بعمل «سولاريوم» «اكتساب اللون البرونزي للبشرة « قلتلها أنا كنت عايشة في السويد الكل بيعمل، قالتلي مرة واحدة بس كفيلة أنها تعلي خطر الإصابة بسرطان الجلد خاصة إذا الشخص عيونه ملونه لأن دا بيعني أنه عنده «ميلانين» أقل في جسمه، من وقتها أنا مش بتشمس أبدا وبحط واقي شمس كل يوم وبراقب جلدي من أي شامات أو تصبغات جديدة».
واختتمت فايا يونان رسالتها: «وبغض النظر عن السبب لحالتي، رسالتي خلوا بالكم من نفسك عارفة أن السمار حلو أحيانا في ضغط من حواليا عشان معايير الجمال بس إحنا حلوين زي ما إحنا وإذا الجمال يعني نحرق جلدنا أو نعرض حياتنا للخطر يعني في شيء غلط «.
الكاتب
التعليقات