كتبت:أميرة خالد تصدر المطرب رامي جمال تريند مؤشر البحث الشهير «جوجل»، وذلك بعد حلوله ضيفًا على الإعلامية أسما إبراهيم ببرنامجها «حبر سري» الذي يذاع على شاشة «القاهرة والناس».

وهذه هي أبرز تصريحات رامي جمال لـ«حبر سري»

رامي جمال : «مبغنيش في أماكن فيها شرب أو رقاصات»

أكد رامي جمال رفضه الغناء في أماكن فيها شرب خمور أو تشاركه راقصات، قائلا: «عندي تحفظات على حاجات معينة، وبرفض الرقاصات برضو، ومتطلعش الرقاصة معايا في فقرتي في حفلة أو فرح». وأوضح رامي جمال أنه يفضل الاستحواذ على الاهتمام، لذلك لا يفضل وجود راقصات معه، مضيفا: «لو اتعمل لي مفاجأة بوجود راقصة في فرح همشي، والرقص فن، في ناس بتحبه ولكن متطلعش معايا، أنا شايف آخد الاهتمام لوحدي».

رامي جمال عن موقفه من تحريم الفن :«أنا مش شيخ»

رد رامي جمال على موقفه من تحريم الفن، قائلا: «أنا مش شيخ، وشايف كل الشغلانات فيها الحلال والحرام، وفي شبهات ممكن الواحد يتجنبها.. ومش عايز أحدد الشبهات عشان لو في زُملا بيعملوها، واللي يحلل ويحرم الشيوخ.. وشايف إن فني أقدمه لوحدي».

رامي جمال: «مستحيل ألحن مهرجانات.. مش ذوقي»

أكد رامي جمال أنه من المستحيل تقديم ألحان لمطربي مهرجانات، قائلا: «مستحيل ألحن مهرجانات، ومش ذوقي.. وأنا أتحاسب على اللي بعمله، ومش عايز أقدم فن أعتذر عنه بعد كده في يوم من الأيام، حتى لو الدنيا جت عليا مش هغني مهرجانات وأستعين بأهلي». وأضاف أنه من نجوم الصف الأول في التلحين، ولكن ما زال أمامه الكثير من الأحلام ليحققها، متابعًا: «أنا من نجوم الصف الأول.. ومن وجهة نظر السوق والمتعهدين صف أول، ومن وجهة نظري لسه كتير على اللي حلمت بيه».

تفاصيل إصابة رامي جمال بمرض البهاق