هى مهبوشة وملعونة وفى الأصل مجنونة.. لا تجد مفرًا من الهز وتعشق الكريمة والمز وجوزها بيسرق البط والوز..

إسمها زنونة وهى فى الأصل ملعونة.. زوزو النوزو التى تشرب من الكوزو.. وتقول أنها موديلز ومن عائلة هاى  مع أنها مش لاقية تأكل وعقلها في الباى باى.

وتغنى ساعات ساعات وهى تأكل المقرمشات.. مهزوزه ومأخوذة بالفعل والأفعال فليس لها مثال لأنها منبوذة.. 

مثل المدروشين ولابسى الطرح المشعوذين..والأكذوبة يغنى لها: «زينه والله زينه مفضوحة فى الجنينة».. 

لها من الحكايات حكايات.. فهى مروشة وفى الأصل مغشوشة..العيب ليس فيها ولكن فى الراجل اللى أنيها لأنه لا يحكمها ولا يستطيع أن يشكومها فهو ضعيف وكمان خفيف..

 مطرود من العمل وأصبح بلا أمل «شغلانته على المدفع بوروروم.. مع أنه فى الأصل شوروروم».. كانوا يحلمون بأكل الجاتوه ويتعملهم شابوه.. ولكن خاب ظنهم وعاشوا فى وهمهم..يجلسون على الأريكة ويسمعون حمو بيكا.. فهم ثعابيين مسمومه ليست ملمومة.. يسرحون فى البرارى وهم أساسًا من الحوارى.

هم أرجوزات ومضحكات نحسه ومنحوس والأخ طلع ملبوس عامل فيها حمبوكشة وهو ياعينى حلوكشة.. بيتغابى ومغبوب وليس أبدًا محبوب.. 

مقصوده ومقصود.. زنونة وزنون.. هبلة ومهبول ومسكوهم الطبول.. قولوا ما بدلكم القاضية جايلكم..حتشوفوا اللى ما شوفتوا.. وحتغنوا ظلموه.. الدنيا وراكم وهاتخدوا على قفاكم .

ياللا أستعدوا ..