كتبت: رضوى صديق

علق المخرج محمد سامي،ج على قرار المحكمة برفض دعوى التعويض المقامة من الفنانة عفاف شعيب، ضده بتهمة السب والقذف.

وجاء ذلك من خلال منشور شاركه "سامي"، على منصات التواصل الإجتماعي الرسمية، معلقًا: "مدام عفاف شعيب بقالها سنتين بترفع عليا قضايا و بتخسرها، والنهاردة كانت آخر قضية و برضه خسرتها، ماعرفش ليه هي مصرة تقاضيني بدون وجه حق وتقول إني سيبتها وغلطت فيها فى أحد البرامج التلفزيونية و ده محصلش".

وأضاف: "والمحاكم حكمت إنه محصلش وبأحكام نهائية والمحاكم سببت أحكامها بأنه لم يحدث مني تجاهها أي تجاوز أو إساءة وكل الأحكام الصادرة من المحاكم الجنائية والمدنية كانت لصالحي في كل الدرجات وأصلا الحلقة اللي هي إدعت إني سيبتها فيها موجودة أون لاين وأى حد يقدر يشوفها".

وأسترسل: "أنا مستحيل أتجاوز في حق ست في سن أمي أو أكبر وكمان فنانة كبيرة و ليها تاريخها، أنا أول مرة اقول تصريح بخصوص الموضوع ده لأني إنتظرت لما الفنانة تخسر القضايا بكل درجاتها زي ماحصل وبعدين أتكلم، و دلوقتي بناقش أنا والمستشار القانوني الأستاذ/شعبان سعيد المحامى المفروض نعمل إيه الفترة دى بعد سنتين من التجاوز فى حقي والإساءة لشخصي".

واستطرد "سامي" قائلًا: "إما إننا نبدأ نتخذ إجراءات قانونية ضدها بالتعويض على التشهير و إفساد السمعة أو إننا نقول عفا الله عما سلف والست والمحامي بتاعها دلوقتي فيهم اللي مكفيهم والمفروض نكبر دماغنا ومانزودش عليهم الهم ونسامحهم وناخدهم ونتعشى مع بعض بره و نعزمهم على ريش وبيتزا".