كشف الإعلامي محمود سعد ، عن تطورات الحالة الصحية للفنانة أنغام، إذ خضعت لعملية جراحية خلال الأيام الماضية، كما رد على الشائعات التي ترددت حول تدهور حالتها الصحية.

وقال سعد، خلال بث مباشر له عبر «فيسبوك»: «أنغام بتمر بمرحلة صعبة لكن مفيش داعي للتمادي في أخبار غير حقيقية ومحتاجة فقط للدعاء، أنغام بتمر بأيام صعبة وبدعائكم هتعدي وخست كتير عن الأول، وناس كتير بتكلمني أوصل سلامهم ليها، وإن شاء الله نتقابل في أول حفلة ليها».

وكان محمود سعد قد كشف عن آخر مستجدات الحالة الصحية للفنانة أنغام، مشيرًا إلى أنها ما زالت تعاني آلامًا شديدة، وكتب عبر «فيسبوك»: «لكل جمهور أنغام اللي بيسألوا عليها طول الوقت.. كان في اتصال من دقائق علشان أطمن على صحتها.. حتى هذه اللحظة انغام بتعاني من ألم شديد جدًا».

وأضاف: «كانت بدأت تاكل من أيام لكن دلوقتي في تراجع بسبب الألم.. تحاليلها فيها أرقام كويسة الحمد لله وارقام تانية لسه مش مظبوطة وعلشان كده يمكن يعملوا تدخل غير جراحي الفترة اللي جاية،مفيش أي كلام حاليا على موعد خروج من المستشفى.. دعواتكم ربنا يخفف عنها الألم ويتم شفاءها وترجع بألف سلامة إن شاء الله».