حرص مطرب المهرجانات عصام صاصا على توضيح حقيقة الجدل المثار خلال الفترة الأخيرة بشأن اتهامه بتوجيه كلمات غير لائقة إلى أحد مطربي المهرجانات من خلال أغانيه.

شارك صاصا منشورا عبر حسابه الشخصي على موقع «إنستجرام»: «اللي يعرفني كويس يعرف إني ميشغلنيش أي حد في الدنيا، ولا عمري حطيت ولا هحط حد في دماغي، ومش معنى إني بنزل فيديوهات أو أغاني فيها ندب أقصد بيها حد خالص».

استكمل صاصا حديثه : «معظم الناس عارفة أنا على إيه، وهتلاقيني دايمًا رد فعل لناس عايزة تحط نفسها معايا، عشان عارفة إن الحمد لله الواحد ربنا كارمه والناس حابة شغله».

اختتم عصام صاصا رسالته قائلًا: «أنا لو حد طلع قال عليا كلمة غلط بعفي عنه لوجه الله، بس لو قال كلمتين ببدأ أوريه هو فين وأنا فين، وبعدها بسكت خالص والموضوع معايا بيموت في ساعتها».

كانت المحكمة الاقتصادية بالقاهرة قد قررت تأجيل محاكمة عصام صاصا في القضية المتهم فيها بالاستيلاء على لحن أغنية "على بالي" للفنانة شيرين عبد الوهاب واستخدامه دون الحصول على موافقة أصحاب الحقوق.

وشهدت أولى جلسات المحاكمة غياب عصام صاصا عن الحضور، فيما استمعت المحكمة إلى مرافعات هيئة الدفاع عن طرفي القضية، قبل إصدار قرارها بتأجيل نظر الدعوى لاستكمال الإجراءات.