شهد حفل زفاف مغني المهرجانات  مسلم على زوجته يارا تامر واقعة أثارت جدلاً واسعاً على وسائل التواصل الاجتماعي، بعد انتشار مقاطع فيديو من الكواليس، جمعت العريس مع البلوجر أروى قاسم، حيث تبادلا المزاح حول كونها «العروس القادمة» واستعداده للزواج بأكثر من امرأة.

ظهرت اروى قاسم في مقطع الفيديو وهي تقترب من مسلم وتضحك بصوت عالٍ، الأمر الذي اعتبرته العروس يارا تامر سلوكاً غير لائق في ليلة زفافها.

انقسمت الآراء حول طبيعة تصرف البلوجر الشابة، بين من رأى فيه مزاحاً ثقيلاً وغير مناسب، وبين من اعتبره مجرد سوء فهم.

خرج مسلم لتوضيح حقيقة ما دار بينه وبين "البلوجر" أروى قاسم و ذلك عبر حسابه الشخصي بالانستجرام ظهر فيه إلى جوار زوجته في سيارتهما، وقال "يارا عارفة أنا طيب إزاي من جوايا، لما بيكون حواليا مجموعة كبيرة من الناس وفيه توتر مش بعرف أظبط كلامي ولا أتعامل، بكون عايز أهرب وأمشي".

أشار مسلم إلى أنها قامت بنشر فيديو وطلب منها أن تحذفه حتى لا تغضب زوجته، إلا أنها تجاهلت رسالته ونشرت فيديو آخر، موضحا "أروى كنت بعتبرها أختي الصغيرة وأنا استقبلتها أحلى استقبال ومن كتر اللمة اللي حواليا لما قبلت إيديها كان من باب الشياكة، أنا مش هاجي يوم فرحي أعاكس واحدة، أكيد ده مش شيء عقلاني ومش تصرفات شخص عاقل، بتعامل بنيتي الصافية أكيد مش عامل الفرح ده كله عشان الإنسانة اللي بحبها، وحد يجي يبوظ كل ده، وكنت أنا ويارا اليوم ده شدينا مشادة جامدة لكن بنعرف نلم مشاكلنا ونحافظ على بعض ربنا مدينا حتة العقل واتفاجئنا باللي هي عملته".

استرسل مسلم موجها كلامه لـ أروى "لو بتحترميني عمرك ما كنتي هتنزلي حاجة زي كده، أكيد كان حد هيقولك من اللي حواليكي بلاش ده هيعمل مشاكل، نزلت الفيديو وأنا أصلا بقولها امسحي الفيديو اللي قبل ده، تجاهلت كلامي ونزلت اللي بعده ومقدرتش إن أنا ومراتي ممكن يحصل بينا مشاكل،كنت بهزر معاها بس الناس بتحول أي حاجة قدام منها، وفيه كمية صحافة معرفش دخلت إزاي ومكنتش عازم غير اللي أنا أعرفهم، يا أروى مينفعش تعملي أي حاجة ولازم تقدريني أي واحدة مكان يارا هتضايق وهتحاول تبعد السمعة عن جوزها إن الناس بتقول إن مسلم معجب بـ أروى، معلش مش هاجي يوم فرحي وأعمل كده".