حلّت الفنانة ميرنا نور الدين ضيفةً على البرنامج الإذاعي "الراديو بيضحك" الذي تقدّمه فاطمة مصطفى عبر أثير  "الراديو 9090"، حيث كشفت عن إصابتها في مسلسل "فهد البطل" بسبب إصرار الفنان أحمد العوضي على أن يكون مشهد ضربه لها خلال الأحداث حقيقياً، حفاظاً على الصدقية.

اوضحت ميرنا قائلة:" فيه ناس فاكرة إن أحمد العوضي مبيضربش بجد في المشاهد..لكن هو بيضرب بجد بس عنده تيكنيك.. وأنا واحدة من الناس اللي اتعورا من ضربه.. بس غصب عنه عشان بيبقى لابس خواتم..و هو إيده عفية وفيه مشهد ضربني واتعورت في وشي".

كشفت نور الدين عن اصعب مشهد في المسلسل قائلة:" مشهد زواج فهد وآسيا، أنا وأحمد العوضي كنا شايلين همّه من أول المسلسل، فكرة إنها فاكرة إنه بيهزّر وهو بيتكلم بجد، في مشاعر عكس بعض كتير، أنا شفت حاجات كتير على أننا شكلنا في مسلسل "فهد البطل" مش شبه البنات الشعبي، أنا كنت ضد الانتقاد ده تماماً لأن الجمال مالوش علاقة بطبقة معينة، وأنا شفت ستات شعبيين فعلاً حلوين، فإحنا مكنّاش مبالغين بالعكس، ومش معنى إن بنت من منطقة شعبية تكون مش حلوة".

مسلسل "فهد البطل" هو بطولة: أحمد العوضي، ميرنا نور الدين، كارولين عزمي، عصام السقا، أحمد عبد العزيز، صفوة، صفاء الطوخي، عايدة رياض، لوسي، محمود البزاوي، حجاج عبد العظيم، حمزة العيلي، عزت زين، أحمد ماجد، محمد مهران، محسن منصور، ومجدي بدر.