شهدت كنيسة مارمرقس بمصر الجديدة اليوم  جنازة الاعلامي الراحل عاطف كامل الذي رحل منذ أيام اثر إصابته بازمة قلبية مفاجئة متأثرًا بصدمته بعد صدور حكم قضائي ضده في قضية أقامتها زوجته الثانية.

انهارت شقيقة الإعلامي الراحل عاطف كامل فور وصول جثمانه استعدادًا لصلاة الجنازة، وسط حالة من الحزن الشديد التي خيمت على الأجواء قبل تشييعه إلى مثواه الأخير.

شهدت الكنيسة حضور عدد من زملائه من الوسط الإعلامي، إلى جانب أصدقائه المقربين وأفراد عائلته، وعلى رأسهم نجلاه كيفن وكارين، الذين بدت عليهم علامات الحزن لفقدان والدهم.

كشف كيفن نجل الإعلامي الراحل عاطف كامل، عن تفاصيل مؤثرة في علاقته بوالده حيث قال:" كنت أنا وأختي بنروح معاه الشغل ونقعد نشوف اللي بيعمله، وأكتر حاجة لاحظتها إن تفكيره كان مختلف وطريقته مع الناس كانت مميزة، عشان كده كل الناس كانت بتحبه، ولو فيه أي مشكلة كان بيدخل يحلها، وكانت علاقته بالناس جميلة".

استكمل كيفن حديثه:" لما روحنا أمريكا كان دايمًا على تواصل معانا وبيحاول يكلمنا طول الوقت، وكان بيفرح بأي حاجة بتحصل في حياتنا، أنا كنت محظوظ، وفي آخر سنة جيت مصر مرتين وقعدت معاه وروحنا الغردقة، وهو كان عنده قصص نقعد بالساعات نسمعها، اللي لاحظته إنه دايمًا كان يأكد على أي غلطة عملها في حياته عشان أنا متعملهاش ويفهمني ، آخر رسالة بابا بعتها لي من شهر وقال لي: أنت أكتر حاجة فخور بيها في حياتي، مش مصدق إنه سبنا".

ودعت كارول ابنة الإعلامي عاطف كامل، والدها الراحل بكلمات مؤثرة أثناء صلاة الجنازة قائلة:" وفاته صدمة كبيرة علينا وعلى العيلة وكل اللي بيحبه، لكن ده أكتر وقت ربنا عايزه فيه، بالرغم إننا فقدنا حد لمس حياتنا في كل حاجة، وشغله في القنوات هينقصه، بس السما هتزيد".