تحدثت الفنانة يسرا، عن مهرجان الجونة السينمائى الدولى، خلال حضورها المؤتمر الصحفى للدورة التاسعة من المهرجان.

وقالت يسرا خلال كلمتها: «»داخلين فى العشرة ما شاء الله، الله أكبر يعنى.. الناس بتختصر مهرجان الجونة فى الريد كاربت لا، ده فيه يعنى ناس بتشتغل طول السنة عشان تقدم مهرجان على هذا المستوى، والمستوى ده أصبح مستوى عالمى مش محلي».

وتابعت: «لأن كل الناس من جميع أنحاء العالم بتتكلم على قيمة مهرجان الجونة ومكانة الجونة، وأنا بشكركم جدًا على المجهود العظيم اللى بتعملوه طول السنة».

وأضافت: «والريد كاربت على فكرة دى معمولة من قديم الأزل، مش حاجة جديدة عندنا يعنى، مش إحنا اللى بدعناها هى معمولة كده».

واستكملت عن فعاليات المهرجان: «ومش هقدر أعيد نفس الكلام تانى اللى الأساتذة قالوه، لكن عندنا مثلاً فعاليات كتيرة جدًا، من ضمنها فى ماستر كلاس للمخرج الكبير يسرى نصر الله».