حل الفنان احمد فهمي ضيفا بإحدى البرامج التلفزيونية حيث فتح قلبه لاول مره كاشفا عن بعض اسرار حياته الشخصية  والأسرية، متحدثا عن بداياته الصعبة والظروف المادية التي عانى منها في طفولته.

صرح احمد فهمي عن تفاصيل من طفولته ونشأته حيث قال:" أنا جاي من عيلة إحنا كنا خمس إخوات بنات وأنا الأخ الوحيد وأبويا وأمي وإحنا كنا عيلة تحت خط مستوى الفقر بشوية وكان عندي ساعتها مشكلة في أن أنا داخل الكونسرفتوار فأنا في وسط المعهد أنا أفقر واحد معرفتش اتعامل مع الناس وفي وسط المنطقة أنا الفنان اللي ماسك الكمنجة طول الوقت فالناس بتروش عليا فانا كنت بشوف من اللحظة دي إن أنا الشخص اللي لازم قوته تبقى فيه هو يعني أنا ولا هركز مع حد ولا عايز حاجة من حد وأنا اشتغل على نفسي على قد ما أقدر في كل حاجة بحاول أطور في كل شيء أنا بعمله أيا كان هو إيه من أيام لما كنت عازف كمنجة في الكونسرفتوار لحد بعد كده أنا طلعت الأول على الدفعة وبقيت معيد في المعهد وبعد كده عملت ماجستير".

استكمل فهمي حديثه:" في الغناء "واما" كانت بالنسبة ليا أنا ما كنتش فارق معايا خالص ولا كنت عايز أغني لوحدي ولا كنت عايز أمثل الأول خالص كانت بالنسبة ليا فكرة الغناء وخلاص أنا بعمل حاجة ومش عشان ابقى مغني كنت عايز ألف مزيكا".

تابع فهمي قائلاً:" وبعد كده لما مثلت كان طارق العريان هو بيقولي لازم تمثل ابتديت في الأول غلطت كتير قوي لأن أنا ما كنتش عارف أعمل إيه وأنا وجهة نظري يعني أن الممثل لازم يعرف نفسه هو مشاكله وإمكانياته قبل ما يطلع يتمنظر على الناس أو يقول أن هو بيمثل يعني في ناس دلوقتي ممكن يعمل عمل واحد يحس أن هو نجم العالم خالص التمثيل مالوش نهاية وممكن واحد يعمل مليون حاجة تقع وممكن المليون وواحد دي هي اللي تكسب أو العكس فهي مالهاش كبير فبشوف أن كل واحد لازم يقدم كل حاجة هو بيعملها يعملها من قلبه".

تطرق  النجم أحمد فهمىفي حديثه عن الصداقات والعلاقات داخل الوسط  الفنى موضحا :" صداقات الوسط الفنى ليست مصطنعة و«مش fake» مثلما يعتقد البعض، ولكنى اتخذت قرار منذ فترة، وهو تجنبى للانضمام لبعض التجمعات داخل الوسط لعدم تقبلى بعد الأشخاص الموجودين بها".

أضاف فهمي قائلاً:" البعض يرى أنه من اللازم أن يتعامل مع أكبر قدر من الأشخاص داخل الوسط، كى يبنوا علاقات ويصبحوا اجتماعيين بشكل أكبر، بالإضافة لتجنب اتخاذ صورة سلبية عنهم أنه يتجاهلوا الآخرين، ولكننى أفعل ما يريحنى ولا أهتم بالأقاويل".

خضع أحمد فهمي لعدد من الاختيارات السريعة حول نجوم الفن، وعندما طُلب منه الاختيار بين الفنان أحمد زكي والفنان عادل إمام، اختار الأخير.

كما اختار الفنان عمرو دياب عند المفاضلة بينه وبين الفنان تامر حسني.

وعندما سُئل عن الأكثر نجاحًا بين ويجز ورامي صبري، رفض وضعهما في مقارنة مباشرة، مؤكدًا أن لكل منهما مكانته ومنطقته الفنية الخاصة، وقال: كل واحد في حتة لوحده.

تطرق أحمد فهمي كذلك إلى مسألة ترتيب أسماء الفنانين على الأعمال الفنية، مؤكدًا أن هذه النقطة تحديدًا لن تكون محل خلاف بينه وبين الفنان أحمد فهمي، في إشارة إلى تشابه الأسماء بينهما. وقال: أي اسم في الأول دي الحاجة الوحيدة اللي مش هنختلف فيها.

وخلال الحلقة، شارك الفنان في اختبار يعتمد على ذاكرته الموسيقية، إذ قام بعزف عدد من الموسيقى التصويرية لأفلام مختلفة، في محاولة لاختبار قدرته على تذكرها والتعرف عليها.