أوضح الفنان تامر حسني، حقيقة عودته لطليقته المطربة بسمة بوسيل، بعد ظهور أول حرف من اسمها على أحد يديه.

صرح تامر لإحدى البرامج قائلا:" مرجعناش.. بس الحروف اللي على إيدي هي حروف عيلتي كلها ومش هلاقي أهم منهم أحط حروفهم على إيدي".

تابع تامر حديثه:" كان فيه اقتراح من مخرج الفيلم أنه هنكتب إيه على إيدي عشان أبقى شبه الشخصيات اللي بتغني روك في الفيلم، فقولتلهم هكتب حروف عيلتي طبعا".

تحدث تامر لاول مرة عن بسمة حيث قال:" بسمة دي بنتي الكبيرة مهما حصل ومهما الناس لعبوا في دماغها، هتفضل بنتي الكبيرة، ولا يمكن مهما عملت إني أقسى عليها، وهى في دمي مهما عملت، وأنا أموت نفسي ولا أزعلها، وده حقيقي وبتكلم من قلبي ودي أم أولادي وربنا يخليهالهم وعاملة مجهود كبير جدا مع الولاد، وربنا يصلح حالها في كل خطواتها اللي بتعملها".

يقدم نجم الجيل فيلم ريستارت يضم نخبة من النجوم، منهم هنا الزاهد، محمد ثروت، باسم سمرة، عصام السقا، ميمي جمال، أحمد عزيز، وأحمد علي.

كما يشارك في الفيلم عدد من ضيوف الشرف، على رأسهم إلهام شاهين، محمد رجب، شيماء سيف، رانيا منصور، توانا الجوهري، والنجم الرياضي السابق أحمد حسام ميدو. الفيلم من تأليف أيمن بهجت قمر، وإخراج سارة وفيق، في تعاون يعكس خفة الظل وعمق الطرح في آنٍ معًا.