وجه الفنان توفيق عبد الحميد ، استغاثة إلى مسؤولي مرفق المياه في المنتزه بالإسكندرية، بعد رفع عداد المياه من شقة مغلقة يملكها، ومطالبته بسداد مخالفة قيمتها 20 ألف جنيه.

أزمة شقة الفنان توفيق عبدالحميد

وكتب الفنان توفيق عبدالحميد عبر حسابه الرسمي على «فيسبوك»: «السيد رئيس مرفق مياه المنتزه بعد التحية يحدث هذا في شقتي بمحافظة الإسكندرية بالعصافرة بحري، في شارع أطلس دفعت فواتير المياه لفترة طويلة، رغم أنها كانت باهظة وغير منطقية وأنا كمان مكنتش بروحها لكن دفعتها وبعد شوية شالوا عداد المياه، وبعد شوية عملوا ليا مخالفة إني استخدم المياه بشكل غير قانوني وحرروا ليا مخالفة بـ20 ألف جنيه».

وتابع:«كل ده والشقة مقفولة لسنوات طويلة وممكن تتأكدوا من هذا الأمر من استخدام عداد الكهرباء لأني خاصمتها علشان كانت بتشوف البحر من كل حتة فيها وبعد كدة اختلف الأمر تماما، وبقت كمان مجروحة وأنا كمان بقيت مريض فخاصمتها، ومروحتهاش بقالي حوالي 15 سنة ينفع كده يا إسكندرية ويا رئيس مرفق مياه المنتزه أنا عايز العداد بتاعي اللي شلتوه ويبقى في الشقة».

وعلق أيضا: «دلوقتي لو روحت شقتي في إسكندرية بعد ما شالوا عداد المياه أبقى بسرق مية، يعني في سن الـ70 أما أسرق هسرق مية طيب على رأي المثل إن سرقت اسرق جمل».

آخر أعمال الفنان توفيق عبدالحميد

يذكر أن الفنان توفيق عبد الحميد ، كان قد أعلن اعتزاله الفن بسبب ظروفه الصحية، موضحا أنه لن يخضع لإجراء عملية جراحية، ويفضل الاستمرار على العلاج الطبيعي.

وكان آخر أعمال توفيق عبدالحميد مسلسل «يوتيرن» الذي عرض في رمضان2022، والعمل من بطولة كلًا من عبير صبري، توفيق عبدالحميد، كريم قاسم، محمود حجازي، أيمن قسيونى، صفاء الطوخى، محمود حجازى، نانسي صلاح، نورهان، عبير منير، وهلا السعيد، والعمل من تأليف أيمن سلامة، من إنتاج جمال العدل، وإخراج سامح عبدالعزيز.