في أول تعليق لها على الجدل المثار عقب وفاة المطرب إسماعيل الليثي، خرجت الفنانة سما المصري بفيديو عبر حسابها الرسمي على موقع "إنستجرام" لتدافع فيه عن زوجة الراحل، بعدما وجّه البعض إليها الاتهامات بالدعاء عليه قبل وفاته.

صرحت سما المصري في الفيديو قائلة: "حاسة أن الكلام على وفاة إسماعيل الليثي يكون منحدر إلى ما حدث بعد وفاة إبراهيم شيكا، وربنا يخيب ظني، سيبوا اللي مات مات الناس ليه تتكلم عن اللي مات، لو مراته طلعت دعيت عليه كلنا وقت النرفزة بنقول كلام مينفعش يتقال، وممكن تكون دعيت عليه بالغلط وقتها، الله يسامحها أحنا ما دخلناش في نيتها كانت قاصدة ولا ما كنتش قاصدة، فبلاش نقعد نفتح سيرة الميت الكلام ده بيعذب الميت في تربته، الميت خلاص عند ربنا، أدعوا بقى للي عايش ربنا يهديه، ربنا يبعد عنه الشر ويكفينا شره، ما هو ميت خلاص، أنت لما تتكلم عليه أنت استفادت إيه ما هو ميت خلاص، هما اللي بيتعذبوا، متدعوش على بعض لعلها تكون ساعة استجابة، أنا وأنا في السجن دعيت على الناس ولما خرجت ربنا وراني فيهم، والله أحنا مكنش لينا نمسك التليفون، ربنا يرحم الجميع سواء عايش أو ميت".

لاقى فيديو سما المصري تفاعلًا كبيرًا من متابعيها، الذين أثنوا على موقفها ودعوتها للتركيز على الخير والدعاء للراحلين والأحياء على حد سواء.

توفى المطرب الشعبي إسماعيل الليثي عن عمر ناهز 37 عاما  بعد تعرضه لحادث سير قوي ، دخل على اثره إلى المستشفى لمدة أيام ولكنة لفظ أنفاسه الأخيرة بداخلها، ودخل إسماعيل الليثي في غيبوبة قبل وفاته ، حيث عانى من نزيف أيضا في الفم والانف والجمجمة نتيجة الصدمة.