احتفى الفنان أحمد زاهر بعيد ميلاد زوجته هدى زاهر برسالة مؤثرة نشرها عبر حسابه الرسمي في منصة "انستجرام"، عبّر فيها عن امتنانه العميق لما تمثله من دعم وشريك حياة.

قال الفنان احمد زاهر:" كل سنة وانتي طيبة يا حبيبتي، يا غالية، يا أصيلة، يا ست البنات. كل سنة وانتي منورة حياتي ومخلياني سعيد، كل سنة وانتي السند والجدعة اللي استحملتيني في كل الظروف. كنتِ دايمًا بـ100 راجل، رغم إنك أجمل ست في الدنيا".

استطرد زاهر حديثه:" إنتي عمود البيت والحياة، ومن غيرك مكنتش أي حاجة حلوة حصلت. شكرًا على وجودك، وربنا يخليكي ليا ولبناتك اللي ربيتيهم أحسن تربية. كل سنة وانتي طيبة يا شريكة عمري وأحلى نعمة في حياتي. بحبك يا هدهوده".

كان آخر أعمال أحمد زاهر هو مسلسل "سيد الناس" وعرض في رمضان 2025 وهو بطولة عمرو سعد، إلهام شاهين، إنجي المقدم، أحمد رزق، ريم مصطفى، بشرى، منة فضالي، نشوى مصطفى، رنا رئيس، أحمد فهيم، خالد الصاوي، نشوى مصطفى، رنا رئيس، ملك أحمد زاهر، محمود قابيل، طارق النهري، وياسين السقا، وإخراج محمد سامي.