أعلنت الفنانة منة بدر تيسير، عن مقاضاتها لكل الصفحات والمصورين، المروجيين لشائعات ونشر أخبار كاذبة عنها وعائلتها، خصوصًا ما تم نشره من إدعاءات بشأنها، عقب حضورها عزاء خالها شقيق الفنانة شهيرة.

منة بدر تيسير تقاضي مروجي شائعات عنها

و كتبت منة بدر تيسير، عبر «انستجرام»: «مش كفايه تجاره بأحزان الناس يا جماعة، أبقى في جنازة ويتقال كلام ماحصلش.. علشان يلفت النظر على فيديوهات .. ولما اشتكي من ده في العزاء، ألاقي برضو تاني وبشكل أسوء.. الأخوة المصورين مُصرين على وضع عناوين كاذبة ورخيصه بغرض لفت النظر، وعلشان ترتفع المشاهدات عندكم».

وأضافت: «اللي بيحصل من بعض المصورين ده تجاوز وعيب، والواحد ساكت بقاله أسبوعين كل شويه الموضوع يزيد أكتر.. حرام عليكم بجد الواحد طلب منكم كتير أن ده ما يصحش يحصل.. مش علشان مشاهداتكم تفتروا على خلق الله.. كل المواقع أو اللي نزلت اخبار كاذبة، أو إدعاءات على الأسرة أنا هقاضيهم».

أحدث أعمال منة بدر تيسير

أحدث أعمال منة بدر تيسير، كان مسلسل «العتاولة»، الذي تم عرضه في رمضان 2024، من بطولة «أحمد السقا، طارق لطفي، زينة، باسم سمرة، مصطفى أبوسريع، هدى الإتربي، مريم الجندي، أحمد كشك، مي القاضي، وزينب العبد»، ومن إخراج أحمد خالد موسى.