كتبت :أميرة خالد كشفت أبلة فاهيتا عن أنواع الرجال والسيدات من وجهة نظرها، وذلك خلال حلولها ضيفة ببرنامج«بيت السعد»، المذاع عبر قناة«Mbc1»، ويقدمه كلا من الفنان أحمد سعد وشقيقه الفنان عمرو سعد.  

ابلة فاهيتا: الستات أنواعها زي الأفلام بالظبط في الست الوثائقية

وقالت ابلة فاهيتا: «الستات أنواعها زي الأفلام بالظبط في الست الوثائقية، دي اللي بتوثق كل حاجة وصريحة وتقول للأعور أنت أعور في عينه بس لا فيه هزار ولا ضحك ولا حاجة خالص كلها بالوثائق، وفي ست اللي هي رومانتيك كوميدي دي اللي بتحب على روحها طول النهار، عبيطة وهبلة وتطلع من حفرة تخش في دحديرة بس كله واخداه بالضحكة الحلوة».     وأضافت: «وفي نوع اللي هو الاكشن ودي مش بتهمد، طول النهار تلعب رياضتين تطبخ طبختين تشتغل شغلانتين، والنوع الأخير هو النوع الرعب انتقامية ومرعبة».          

ابلة فاهيتا تتحدث على خيانة الرجل

في نوع مهيطل اللي بيخون ويتقفش، والنوع التاني النمس اللي بيخون ومبيتقفش، والنوع التالت مهيطل نمس، مرة يتقفش ومرة لأ، ورد عليها سعد قائلًا: «يعني كل الرجالة خاينين؟»، لتسأله أبلة فاهيتا:«وأنت من أي نوع؟»، ليرد أحمد سعد: «أنا كنت من الثلاثة، مرة أتقفش، ومرة لأ، وحاولت أكون نمس، لكن لقيت نفسي اصطدمت في الحيطة».