علق الفنان أحمد زاهر على انتقادات البعض لأدائه في مسلسل "سيد الناس" خلال حواره في إحدى اللقاءات التلفزيونية.

قال الفنان احمد زاهر:" مليش دعوة بكلام بعض الناس هي بالنسبة ليا شخصية جديدة اه شريرة وأنا عملت شر قبل كده أكتر من مرة وكل شرير ليه تفاصيله وله طريقته وانفعالاته".

استكمل زاهر حديثه:" دي لجان وناس بتدفع فلوس عشان تشتم في زمايلها أنا مليش علاقة بالموضوع دا، نفسي يبتكروا يعملوا أكونت حقيقي لكن أغلبها مزيف لمجرد تدمير النجاح فقط لا غير وطبعا كلنا عارفين مين اللي وراها وأنا مش هتكلم في دا لأنه لا يعنيني".

قال أحمد زاهر عن سيطرة المخرج محمد سامي على الممثلين وطريقة أدائهم:" محمد سامي بيسيطر على الممثلين اللي معاه ما طبعا أومال يسيبهم كل واحد يعمل اللي هو عايزة والدنيا تبوظ، المخرج القوي وأي مخرج لازم يسيطر على الممثلين اللي معاه ويوجههم بشكل أو برؤية هو شايفها وإحنا كممثلين بنسمع الكلام لكن دا مش معناه أن إحنا روبوت".

"سيد الناس" تدور أحداثه حول شخصية الجارحي أبو العباس؛ يلعب دوره عمرو سعد، وهو شاب من منطقة السبتية في القاهرة، يُلقب بـ"سيد الناس" يدخل السجن بدلاً من والده، ويخرج ليجد كل عائلته مترقبة لوفاة والده من أجل توزيع الميراث، وفي الوقت نفسه يحاول الكشف عن السر الذي أخفاه عنه والده طوال 20 سنة، ما يجعله يبحث عن الحقيقة وسط نزاعات كبيرة، كما يحمل على عاتقه إرثاً ثقيلاً يسعى للحفاظ عليه.

ويشارك في بطولة العمل كوكبة كبيرة من النجوم، وهم عمرو سعد، إلهام شاهين، أحمد زاهر، خالد الصاوي، أحمد رزق، إنجي المقدم، بشرى، رنا رئيس، ريم مصطفى، منة فضالي، أحمد فهيم، سلوى عثمان، طارق النهري، والمسلسل من تأليف ورشة قلم، وإخراج محمد سامي.