حلت الفنانة ألفت عمر ضيفه في برنامج "قعدة ستات" مع الإعلامية مروة صبري و كشفت عن رأيها في تقديم الأدوار الجريئة.

صرحت عمر قائله:" رفضت بطولة فيلم بسبب مشاهد القبلات والمشاهد الجريئة، كان في فيلم من بطولة فيفي عبده كان فيه قبلة ورفضت الدور، الفيلم مطلعش بس كان تأليف الأستاذ فتحي عبد الستار الله يرحمه".

استكملت عمر قائله:" أنا مع السينما النظيفة، الحكاية حكاية مبدأ لو أنا داخلة الشغلانة دي وناوية أجيب من الآخر فيها الحمد لله عندي مقومات هايلة فكرة إني أعمل مشاهد جريئة جدا وأبقى سوبر ستار واتحط على الأفيش كان من 20 سنة عملتها مش صعب، لكن عندي مبادئ".

روت ألفت موقفًا جمعها بالفنانة القديرة سميرة أحمد، خلال مشاركتها في مسلسل "دعوة فرح"،حيث قالت:" بعد الدور، قالتلي إنتي هتبقي بنتي في المسلسل اللي جاي، بس لازم تشيلي الحسنة دي ، استغربت وسألتها ليه؟ قالتلي الممثل يتميز بتمثيله مش بحسنة، وضربتلي أمثلة بعمر الشريف وأحمد السقا. أعطتني رقم دكتور التجميل، وأنا قولتلها إني رحتله، بس الحقيقة إني مروحتش، وقلتلها إن الدكتور قال إن الحسنة ليها جذور وتشيلها ممكن يسبب أثر، وده كلام صحيح حتى لو مخترعتوش".

كان آخر أعمال الفنانة ألفت عمر الدرامية مشاركتها في مسلسل “قلع الحجر 2″، وهو بطولة محمد رياض، سوسن بدر، عبد العزيز مخيون، ندى ماهر، رضوى إيهاب، صلاح عبد الله، علاء مرسي، أحمد سلامة، نشوى مصطفى، سالي عبد العزيز، مفيد عاشور.