بما ان اي حاجة في الدنيا ليها جانب إيجابي وجانب سلبي .nفمن سلبيات السوشيال ميديا اللعينة هي توجيه المتلقي إلى بعض الأمور اللي بتفرضها اللجان الإلكترونية وتبرزها بشكل قوي.nوده اللي حصل مع الفنانة التونسية دُرة ان ارتبط اسمها بالموضة والأناقة وتوجيه الجمهور للنقطة دي تحديدا.nمع اختزال اي أعمال فنية بقدمها والاهتمام بظهورها في اي مهرجانات سينمائية او مناسبات عامة والتركيز معها من الناحية الشكلية وإغفال تام لادوارها ومهنتها الأساسية كممثلة .nبالرغم من أن دُرة حد بيشتغل على نفسه جدا يعني من اول ما جت مصر عام ٢٠٠٧ وعملت اول ادوارها في فيلم الأولى في الغرام من تأليف الراحل وحيد حامد وظهرت بعد كده في أعمال كتيرة في كل عمل كان في تطور ملحوظ في ادائها.nلحد ما ظهرت بشكل مختلف وتفوقت على نفسها في دور سماح في مسلسل العار اللي كان نقلة وتحول من دور الفتاة الرقيقة إلى بنت البلد الشعبية .nوغيرها من الأعمال المتميزة ل دُرة زي الريان وسجن النسا والزوجة الرابعة وبلا دليل ونصيبي وقسمتك وإلا أنا بالإضافة إلى ادوارها في السينما.nدُرة على طول متهمة ان وجودها في الوسط الفني واستمرارها بسبب جمالها واناقتها اكثر من موهبتها.nمع انها بريئه من التهمة دي لان عمر ما حد هيكمل طول السنين دي كلها من ٢٠٠٧ وحتى الآن بدون موهبة وقبول عند الجمهور الذواق للفن.nحتى لما بيتم الزج باسمها في اي خلاف او مشاكل بتكتفي بالصمت التام وكأن صمتها أبلغ رد .nوفي كل مرة بنلاقي رزانة وثبات وعدم حب للظهور سواء في برامج او في تصدر الترندات ولو ظهرت في اي لقاء بتكون في منتهى الرُقي والثقافة والتحضر وبعيده كل البعد عن القيل والقال ونموذج مُشرف للفنان الواعي المثقف اللي بيحترم فنه وجمهوره ومؤمن برسالته.nفلما متهمة بريئة تقرر تكون متهمة فعلية هنا لازم تثق انك هتشوف حاجه جديدة ومميزة.nتابعت مسلسل المتهمة المُذاع على إحدى المنصات وحقيقي دُرة عاملة دور حلو اوي ومن أهم الأدوار في مشوارها الفني متميزة جدا فيه ومتمكنة من الشخصية بشكل غير طبيعي يخليك تستمتع بالحلقة ومش عاوزها تخلص وتكون بتستني كل حلقة بشغف غير عادي .nادائها كان رصين وفيه نُضج عالي وهدوء مع ثبات انفعالي وكل مشهد ليها في كل الحلقات الاداء فيه مظبوط بالملي مفيش ريأكشن مش في محله ولا مُفتعل ولا تحس ان ده تمثيل من أساسه بتعيشك في عمق تفاصيل الشخصية .n(واه بالمناسبه الدور ده او تقريباً معظم ادورها لا بتعتمد فيه على الشكل ولا اللبس ولا المكياج ) .nبتقدم الشخصية كما يحب أن تكون وعلى حسب متطلبات كل شخصية لانه تمثيل مش عرض أزياء.nمسلسل المتهمة من أجمل المسلسلات اللي اُنتجت الفتره دي وكمان اختيار توقيت عرضه بعيداََ عن السباق الرمضاني كان قرار سليم ١٠٠٪nوكان قوي بكل الممثلين اللي فيه من أصغر دور لأكبر دور حتى القصة والسيناريو والإخراج وكل شئ كان معمول بشكل احترافي جداnاما عن دياب ف ده الوحيد اللي كسر قاعدة فشل اي مغني يتجه للتمثيلnوأثبت انه زي ماهو مغني شاطر انه كمان ممثل من العيار الثقيل وكل عمل بيكون مختلف عن اللي قبله وناجح اكتر من اللي قبله ومن الناس اللي بتشتغل على نفسها بشكل واضح وملموس.nلا بيستسهل الدور ولا بيعتمد انه عنده رصيد عند الجمهور ولا بيستثمر نجاحه في دور على حساب دور تاني جديد هيقدمه بيذاكر الشخصية وبيتقمصها بمنتهى البراعة.nوكمان يُحسب للمخرج المتميز تامر نادي حُسن اختيار كل شخصية تخليك مستحيل تشوف ممثل تاني كان هيليق على الدور ويأديه افضل منهم.nلا اعتمد على نظام الشلة ولا استسهل الأمور وجاب الناس المعروفة في كل المسلسلات.nلا ده حد وثق فيهم وأمن بموهبتهم واداهم فرصة يظهروا بشكل اكبر وادنا احنا كمان امل ان لسه عندنا ممثلين شاطرين اوي وان الموهبه هي اللي بتفرض نفسها وتنتصر في النهاية مهما طال الوقت.nمها نصارnعلى الطيبnعادل كرمnأسامة ابو العطاnمحمود غريبnمحمد عبد العظيمnماجدة منيرnرشدي الشاميnشابووووو ليكم ابدعتمnالخلاصة ان العمل الحلو بيفرض نفسه وبيكون ظاهر والكل بيستمتع بيه خصوصا لو عناصره كلها عباره عن توب قماش منسوج صح وراح لشخص فصله صح عشان يظهر جماله ويتعرض في ابهي صورة تكون مريحه للعين وقريبة من القلب ومُقنعة للعقل .nشكرا لكل مُبدع بيحترم الجمهور وبيقدره وهدفه تقديم أعمال تستحق ان تحمل اسم كل واحد فيهم ويتشرف انه كان جزء من العمل ده.nومبروك نجاح مسلسل المتهمة ونجاح صُناعه المجتهدين اوي.