هاجمت أنوسة كوتة، أرملة الملحن الراحل محمد رحيم ، حذف مشاهد زوجها من فيديو كليب «الذوق العالي» للفنان تامر حسني مع الكينج محمد منير، والتي تعتبر آخر ألحان «رحيم» قبل وفاته.

هجوم أرملة محمد رحيم على تامر حسني

وكتبت أنوسة كوتة عبر حسابها الرسمي على «فيسبوك»: «الذوق_العالي.. اقفل براحتك الفيديو، وبرضو حق الميت واليتيم مش هسيبه يروح.. وفكر في كذبة مقنعة وانت طالع تقولها للجمهور».

وتفاعل بعض الجمهور مدافعًا عن تامر حسني: «ياريت بلاش تشوهى صورة تامر لأنك عارفة كويس إنه إنسان مخلص لكل أصحابه.. كفاية ترندات على حساب ناس ميستهلوش اللى بيحصل ده»، «الراجل الله يرحمه مات وتامر قاصده انه ميحطوش وسط موسيقى وأغانى وهو ميت ده كده عمل معاه حاجة حلوة مش وحشة ده يوم العزا ماسابكيش لحظة»، «روتانا ليها الحق تشيل أو تحذف والأغنية متباعة وخلصانة، وحضرتك والله يرحمه رحيم قابضين فلوسها- يبقى خلاص متجيش في وقت زي ده تشوهي صورة أغنية ناجحة على حساب واحد مش سايبك انتي ولا اولادك سواء دعم مادي أو معنوي زي تامر حسني- بلاش ترند على ناس هُمّه أصلا كانوا أقرب الناس لرحيم- كل ده عشان بوستين وكام لايك».

وتابع آخرون: «عشان الحرمانية وحرمة الميت وانتي كمان المفروض تعملي كده مش تشيري أغانيه وشغله هي مش صدقة جارية»، «بالعكس هو احسن أنه ماطلعوش ويشيل ذنوب في كليب كل ما حد يسمع الأغنية ده الخير ربنا يرحمه».

يذكر أن شركة «روتانا» طرحت الديو الغنائي الجديد الذي يجمع الكينج محمد منير  والنجم تامر حسني، ويحمل عنوان «الذوق العالي»، وهو من كلمات تامر حسين، وألحان محمد رحيم، وتوزيع أحمد طارق يحيى.

وقد تم تصوير الكليب وسط أجواء صيفية حماسية، جمعت النجمين في مشاهد مليئة بالطاقة والبهجة، حيث عكست روح الصداقة والانسجام الواضحة بينهما، بما يتماشى مع الطابع المبهج للأغنية.

كلمات أغنية الذوق العالي

وتقول كلمات أغنية «الذوق العالي»:

عمال تعلي الذوق بذوقك العالي العالي

آه یا واخدنا لفوق حلاوتك ياللي في بالي ياللي في بالي

عمال تعلي الذوق بذوقك العالي العالي

آه یا واخدنا لفوق حلاوتك ياللي في بالي ياللي في بالي

انت اختصار لمعنى الجمال والورد مال ميل عليك

هليت بألوان الربيع وقفوا الجميع يتغزلوا فيك

انت اختصار لمعنى الجمال والورد مال ميل عليك

هليت بألوان الربيع وقفوا الجميع يتغزلوا فيك

ده لولا حوالينا الناس ده لولا حوالينا الناس

ده لولا حوالينا الناس ده لولا حوالينا الناس

هتتباس يعني هتتباس

دوقني شهدك أدوق ده انا هنيئا لي هنيئا لي

أصل مفيش مخلوق يجراله اللي بيجرالي اللي بيجرالي

دوقني شهدك أدوق ده انا هنيئا لي هنيئا لي

أصل مفيش مخلوق يجراله اللي بيجرالي اللي بيجرالي

انت اختصار لمعنى الجمال والورد مال ميل عليك

هليت بألوان الربيع وقفوا الجميع يتغزلوا فيك

انت اختصار لمعنى الجمال والورد مال ميل عليك

هليت بألوان الربيع وقفوا الجميع يتغزلوا فيك

ده لولا حوالينا الناس ده لولا حوالينا الناس

ده لولا حوالينا الناس ده لولا حوالينا الناس

هتتباس يعني هتتباس