كتبت: مريم يعقوب علقت الإعلامية بسمة وهبة، على هجوم وتصريحات الفنانة المعتزلة ميار الببلاوي، بعد حلقتها في برنامج العرافة برمضان الماضي 2024 وظهرت بسمة وهبة في مقطع فيديو عبر حسابها الرسمي بموقع التواصل الإجتماعى «إنستجرام» قائلة:عمرى ما رديت على حد حتى لو كلامه كدب، وده بيحصل كتير أوي، في العرافة ناس كتير تكون طلعت وحلقاتها تكون معملتش تريند أو عملت وعايزين تاني، فبيتقولوا حاجات لنفسهم ويعملوا فضايح لنفسهم، وكل ده بيكون في سبيل التريند«. وأضافت: «أنا بطنش وأقول خليهم ياكلوا عيش، فيه كلام اتسرعتي وقلتيه والنبي يا بسمة شيليه، وقلت لك من العين دي، وشيلت اللي طلبتيه، اطلعي كذبيني، لا تقربوا الصلاة، ساكتة ليه من يوم ما الحلقة اتعرضت ما دام مضايقة، مبحبش اللي بيجي على الولايا، الشيخ وصل بيه الأمر أنه يوصفك بالزنا، بحب الأزهر ورجال الدين، ومبحبش حد يجي جنب شعرة منهم، دا مش نفس نهج سيدنا النبي أبدا، ولادي طريقته». وتابعت: «مينفعش الكلام اللي قلته دا بيتعارض مع الخطاب الديني، هاتلي 3 شهود غيرك يؤكدوا حكم الزنا اللي قلت عليه».