أكد الفنان محمد صبحي على مدى قوة العلاقة بينه و بين الفنانة عبلة كامل حيث أنها علاقة مبنية على الود والاحترام، وأن الشائعات التي تزعم توتر العلاقة بينهما لا أساس لها من الصحة.

صرح صبحي قائلا:\" قالوا إني عذبت عبلة كامل، وبخصملها كل يوم، ومتغاظ إنها غطت عليا، رغم إني المخرج والمنتج والبطل، فإزاي هجيب ممثلة عشان أفشل، ده أنا بحبها وبتحبني، وعلاقتنا كانت جيدة جدا\".

نفى محمد صبحي ما قيل عن منعه للفنانين من تناول الطعام مع عبلة كامل خلال رحلة إلى فرنسا، مؤكدا أن هذه الادعاءات لا تمت للحقيقة بصلة.

تحدث محمد صبحي عن استغلال البعض لاسم الراحل لينين الرملي لترويج معلومات خاطئة، قائلا: \"دلوقتي بقى في سبوبة إن كل واحد يعمل برنامج يتكلم عن الفنانين ومشاكلهم، يعني مسكوا كتاب عمله لنين الرملي في وقت كان مريض فيه بالزهايمر وغير واعي، وزوجته كانت بتقول إنه مش واعي، ورغم كده الصحفيين كانوا بيقابلوه ويكتبوا على لسانه\".

حرص محمد صبحي على توضيح فكرة انفصاله عن الكاتب الكبير لينين الرملي، وأوضح أن الخلاف لم يكن شخصيا، بل كان متعلقا برؤية فنية تخص مسرحية \"وجهة نظر\"، مضيفا: \"لينين هو اللي انفصل عني وقرر يعمل فرقة لوحده،الخلاف كان بسبب قصة المسرحية، اللي بتتكلم عن فتاة شديدة الجمال بيخطفها شخص إلى حد ما قبيح الشكل وبيحبسها لحد ما تقوله بحبك، أنا اعترضت على إن عبلة كامل تقوم بالدور ده، لكن لينين أصر، وقرر يعمل المسرحية بعيد عني\".

استكمل صبحي حديثه:\" أنا سبتلهم المسرح بتاعي بالمعدات لأنه صاحبي، ولينين جاب حسين فهمي عشان يقدم دور البطل، وده كان ضد مصداقية القصة، وبعدها اللي قدم الدور كان أشرف عبد الباقي\".

اختتم صبحي حديثه قائلا: \"مكنتش بحب أتكلم عن الموضوع ده ولينين عايش عشان ميتأذيش، وحتى بعد رحيله مش بحب أتكلم، لكن في ناس بتستغل كلامه بشكل غير صحيح عشان تقول شوفوا لينين بيقول إيه عن محمد صبحي\".