شاركت الفنانة أسما شريف منير متابعيها عبر حسابها الرسمي على موقع "إنستغرام"، صورًا وفيديوهات من إجازتها الصيفية برفقة زوجها وابنتها، حيث حرصت على قضاء أوقات هادئة بعيدًا عن سباق المظاهر الذي يطغى على أجواء الساحل الشمالي.

كتبت  اسما :"الحمد لله إننا، أنا وجوزي وبنتي، مش بنجري ورا سباق الساحل. إحنا بنلاقي نفسنا في أماكن زي سينا، البحر الأحمر، نويبع، ودهب، لأن هناك الكلام كله عن الطبيعة، وعن إزاي نقعد ناكل مع بعض ونجمع نفسنا على حاجات بسيطة فيها خير".

استطردت اسما حديثها:" زمان كنا بنروح إسكندرية أو العجمي، ونفتكر الذكريات البسيطة دي: آيس كريم من صابر، سمك من عند أبو أشرف، والليل اللي كنا نقعد فيه قدام التليفزيون ناكل جبنة وبطيخ. كانت لحظات صغيرة بس مليانة دفء وحب، وهي دي اللي فضلت جوانا".

استكملت منير حديثها:" على عكس الساحل دلوقتي اللي بقى الناس فيه كلها بتتكلم عن مين لابس إيه وقاعد فين وعنده إيه. إحنا بنحب نبعد عن ده كله، ونتمسك بالأماكن اللي لسه فيها روح الطبيعة والبساطة. خلوا دايمًا القيمة في إنكم تكونوا على طبيعتكم، بعيد عن سباق المظاهر. دي الذكريات اللي بتبقى، وهي دي الحاجات اللي فعلاً بتدي للحياة معناها الحقيقي، ولازم نفتكر كمان إن الأطفال لما يعيشوا حياة بسيطة بعيد عن الضغوط والمظاهر، بيعرفوا نفسهم أكتر، يتواصلوا مع اللي حواليهم بصدق، وبيبقوا واثقين وآمنين، بدل ما يستخبوا ورا ماركة أو شكل. البساطة مش بس راحة، دي كمان تربية على الأمان الداخلي".

يذكر أن، أسما شريف منير، كشفت عن خبر زواجها عبر حسابها على إنستجرام، في 7 يونيو الماضي، وعلقت: "أنا الحمد لله اتجوزت، وده قرار جه بعد فترة طويلة من رحلة عشتها مع نفسي، من حاجات كتير أوي اتعلمتها، تجارب دخلت فيها، اختيارات وصلت لها"