خرجت الاعلامية أميرة بدر في «بث مباشر»، علقت فيه على الهجوم الذي تعرضت له المطربة المغربية بسمة بوسيل، خلال الأيام القليلة الماضية، عبر مواقع التواصل الاجتماعى من الجمهور وبعض المشاهير، وذلك بعد تصريحاتها عن زوجها السابق الفنان تامر حسني.

وشاركت اميرة بدر بث مباشر مع جمهورها عبر «فيسبوك»، قائلة: «الناس بتهاجمها ليه أنا مش فاهمة وباتضايق أوي، وبتكلم دلوقتي كـ «ست»، لما ست تهاجم ست، بتهاجموها ليه، واحدة طلعت على الملأ قدام الناس كلها، بتقول أنا اتخنت أنا اتوجعت أنا تعبانة، ليه الستات مابيحسوش ببعض، على فكرة أنا باحب تامر حسني جدًا، معرفوش معرفة شخصية، شوفته مرة أو مرتين في حياتي، بس هو شخص لطيف جدًا، ومش معنى أن هو مغني ومحبوب إن انا أهاجم الست بالطريقة دي».

أضافت: «وبسمة بوسيل شخصية لطيفة جدًا، واحدة طالعة بتقول أنا موجوعة وانا اتخانت وانا تعبانة، ليه مانحسش بيها، والناس اللي طالعة بتقول كنتي فين وبقيتي فين وصور قبل وبعد، وهو كمان ليه صور قبل وبعد وهو كمان شكله اتغير، وكلنا اتغيرنا».

تابعت: «أنا متعاطفة مع بسمة، لأن هي في الآخر ست وأنا ست زيها وفاهمة هي بتقول إيه، فاهمة يعني إيه حد ممكن يبصي لي في حياتي ويبص لي في جوزي وأولادي، أنا حاسة بيها، فانا شايفة الستات اللي بيهاجموها على السوشيال ميديا لمجرد إننا بنحب تامر حسني وبنحب نسمعه بتهاجموها ليه؟ عشان هي عملت ايه، ليه بنهاجم الست مش المفروض نهاجمها، الستات المفروض نقف جنب بعض، وأنا متعاطفة معها ومع أي ست بتتخان وموجوعة».