قامت  الإعلامية رضوى الشربيني بتوجيه رسالة حادة غير مباشرة إلى الفنان أحمد العوضي، ردًا على تصريحاته بشأن كونه «الأعلى أجرًا في مصر»، ما أثارت تفاعل جمهورها الذين اعتبروا أنها تتحدث بشكل غير مباشر عن الفنانة ياسمين عبد العزيز.

شاركت الشربيني منشورا عبر حسابها الشخصي بالفيسبوك قائلة:" بشوف إن الواحد اللي يتكلم عن إنه بقى الأعلى في الاسم والأجر، المفروض كمان يتكلم عن مين اللي وصّله لهناك، ويتكلم عن فضل ومعروف الناس اللي خلّته يوصل لكده، ده إذا كان أصلًا الأعلى، لأنه مفيش حد أعلى غير ربنا سبحانه وتعالى" .

استكملت الشربيني حديثها:" عامةً، كل واحد وتربيته، واللي بيزرع خير أكيد آخرته هتبقى خير، واللي بيزرع شر أكيد نهايته هتبقى زيّها".

تفاعل متابعو رضوى الشربيني مع رسالتها لـ أحمد العوضي، وكان من أبرز التعليقات: «كل الدعم لرأيك مش عشان كلامك لأ عشان انا بستجدع الناس اللي بتدافع عن صحابها»، كما علق متابع آخر: «ليه ميبقاش عندنا حب وفرحة للناس وبنجاحهم لو هو شايف نفسه كده ربنا يوقفه ونفرحله ربنا يزيده هو وغيره، كل واحده سيحاسب على قوله وفعله ربنا قال ولاتمشى في الأرض مختالا فخورا، لو نيته كده فربه اللى يحاسبه، احنا ما علينا غير نقول ربنا يزيده هو وغيره».

يأتي تعليق رضوى الشربيني ردًا على تصريحات أدلى بها الفنان أحمد العوضي خلال بث مباشر عبر صفحته الرسمية على «فيسبوك»، قال فيها إن مسلسله «فهد البطل» تصدّر قائمة الأعمال الأعلى بحثًا في مصر خلال عامي 2024 و2025، معربًا عن أمله في تحقيق النجاح نفسه خلال العام المقبل، مؤكدًا أن ذلك جاء بفضل دعم الجمهور.