حرصت الإعلامية عبلة سلامة على دعم اللاعب محمد صلاح، بعد الهجوم عليه مؤخرًا، بسبب مباراة مصر والسنغال.

وكتبت عبلة فى منشور عبر حسابها بـ«فيس بوك»: «إلى محمد صلاح الغالى على قلبى وعلى قلوب ناس كتير، النظرة اللى كانت فى عينك وجعت قلبى بجد.. مش بس علشان ناس استنتك فى المطار علشان تجرحك وتوجعك.. علشان إحنا بقينا ناس بتقسى بسهولة وبننسى بسرعة وبنهاجم بمنتهى التوحش».

وتابعت عبلة: «ما تزعلش يا ابنى العيب فينا.. مش عارفة احنا القسوة دى طول عمرها موجودة ولا احنا اتغيرنا.. ولا الستر اتشال عنا؟! وبقينا بنشوف بعض من غير رحمة من غير حب ومن غير تقدير».

وأضافت: «بقينا ننسى الغالى وننسى أى موقف حلو جمعنا ولا بنعذر ولا بنسامح، وما بقاش عندنا عزيز ولا غالى، وبقينا نحاسب بعض بقسوة أكتر بكتير ما بنحاسب نفسنا».

واستكملت: «لو تعرف قد إيه فيه قلوب لسه بتحبك وبتحترمك وبتشوفك إنسان قبل ما تكون نجم.. أنا كأم اتمنى ابنى يكون زيك فى موهبتك.. فى أخلاقك.. فى التزامك.. فى كفاحك.. فى نجاحك.. وفى إيمانك».

واختتم: «إوعى تزعل.. الوجع اللى شوفته فى عينك وجع قلبى أوى كمصرية فخورة دايما بيك.. وكأم ربنا يحميك يا ابنى ويبعد عنك أى شر».