خرجت البلوجر سوزي الأردنية، للرد على هجوم الفنان حسين أبو حجاج عليها، حيث انتقد الأخير ظهور سوزي مؤخرًا، خلال العرض الخاص لفيلم الشاطر، بطولة أمير كرارة، والذي أُقيم يوم الثلاثاء الماضي، بإحدى سينمات السادس من أكتوبر.

شاركت سوزي فيديو عبر تيك توك : “في ممثل طلع وهاجمني وأنا ماعرفوش تماماً .. وقال دي واحدة مش متعلمة وغلطت في باباها .. وإزاي تشهروها وتدخلوها معهد التمثيل ؟ .. أول حاجة أنا مش عايزة .. وكل الأسئلة اللي كانت بتتسئل لي قولت إني عمري ما أدخل معهد التمثيل غير وأنا عندي موهبة ومتدربة وأستاهل أدخل المجال ده”.

استطردت سوزي حديثها : “ولو بتتكلم على إني غلطت في والدي .. فأنا اتعاقبت عقاب قانوني ومن أهلي .. وربنا كان شايل وقتها من علي الستر .. وفي غيري بيروح وبيجي و بيعمل حاجات حرام ومحدش بيحاسبه”.