طرحت المطربة السورية أصالة نصري، ألبومها الجديد «ضريبة البعد»، المكون من 9 أغنيات، وذلك على جميع منصات الاستماع الرقمية سواء على موقع «يوتيوب»أو منصات الموسيقى المختلفة.

كتبت أصالة عبر «انستجرام»:«تمامًا وكلّيًا توحّدت مع هالعمل وفرضت جو من السعادة وغلّفت قلقي، وحرصي بكتير من الذكريات الحلوه الصّداقة والأخوّة خيّمت على كلّ صناع هالعمل، وخبّينا كلنا كلّ الخوف اللي كان مسيطر علينا بإنّنا نقدّم كلّ وأحلى ماعنّا، ضحكنا كتير على نكت نحنا ألفناها ونحنا يعني كلنا مترئسنا رجل مخلص صانع مُحبّ ،وعاشق لصولا والفنّ جوزي الرّائع فايق حسن».

أضافت:«ماحدا فينا وفّر يسمع مئات المرّات كلّ عمل على حدا، ونفتّش على نَفَس ينزرع بمكان يكمّل كلمة مابتكمل إلّا إذا تخلّلها نَفَس مسموع، وعنّ نفسي بودّي وصل لكم كلّ هالحب اللي عشته طول فترات تسجيلي، كلّ أوقات تصويري وإنّي ماحسيت لحظة بتعب وكأنّه إيماني بالموسيقى وتعلّقي وشغفي كانوا ولادي، وكنت معهم عم برسم معهم بكره وعم علّمهم بالعمل كيف يحبّوا اللي عم يعملوه، وكيف يتماهوا معه ويآمنوا فيه ويحترموه».

وتابعت:«كان بالاستوديو أحلى وقت بحلم فيه، وكنت عم بتخيّل شو هتكون أوقاتكم وأنتوا معي عم تعيشوا اللي عشته بكل الحب والجمال، نقلت لكم كل هاللحظات وبتمنى متلي تعيشوها، شكرًا لأعلى نجمة بالسما على إهتمامكم وحبكم الكبير لكل شي قدّمته، وبوعدكم أخلص لمحبتكم بإنّي كون دائمًا عند حسن ظنكم بقدّم لكم أحلى ماعندي صوتي في ألبوم فيه روحي فيه قلبي فيه، الكثير من تجاربي وألمي وفرحي وأملي وجنوحي فيه فنّ وفيه حياة».