- هلا السعيد بإطلالة جذابة في شوارع باريس وزيارة للمعالم السياحية خلال إجازتها
- لأول مرة حسين الجسمي وأحمد سعد وديسكو مصر.. هايد بارك للتطوير العقاري تقدم أقوى حفل صيفي في مشروعها المتميز «سي شور رأس الحكمة»
- نسرين طافش تكشف سبب إخفاء وجه زوجها في صورها: مش بيحب الأضواء والشهرة
- محمد نور يكشف سبب انفصال نادر حمدي عن «واما»
- زوج ياسمين رئيس يرد على شائعات انفصالهما بنشر بوستر فيلمها الجديد «ماما وبابا»
- الجمهور اللبناني يستقبل تامر حسني بالمطار بالدبكة ومحمولا على الأعناق
احدث الاخبار
هاي ميوزيك فن
الجمهور اللبناني يستقبل تامر حسني بالمطار بالدبكة ومحمولا على الأعناق
كتبت: ريهام محمد
شارك الفنان تامر حسني جمهوره بفيديو للحظة استقبال الجمهور اللبناني له في المطار.
ونشر تامر حسني فيديو عبر حسابه على Instagram ظهر فيه محمولا على الأعناق حيث استقبله جمهوره في لبنان بالدبكة اللبنانية وبالورود والزغاريد.
وظهر تامر حسني وهو يصور الجمهور ويمسك بالعلم اللبناني.
وكتب تامر حسني تعليقا على الفيديو: «لحظات جميلة مبتتنسيش من كرم ومحبة ومن الاستقبال الاستثنائي العظيم من الجمهور اللبناني الحبيب من لحظة وصولي المطار حتى الفندق، كل الحب والشكر والتقدير للشعب اللبناني الراقي الحبيب، حفظكم الله يا غاليين على قلبي».
ويحيي تامر حسني حفلا غنائيا مساء اليوم، السبت 9 أغسطس في لبنان.
على جانب آخر، وجه تامر حسني رسالة لجمهوره يكشف فيها عن كواليس ألبومه الجديد «لينا ميعاد»، الذي طرحه مؤخرا عبر المنصات المختصة في الموسيقى.
كتب تامر حسني عبر صفحته بموقع Facebook: «هنتهز الفرصة الجميلة دي إن أغنية (الذوق العالي) مع حبيبي اللي بموت فيه الـ King محمد منير تريند عام رقم واحد، وفي تريند الموسيقى لسه أول يوم أهوه، والـ ١٣ أغنية بتوع ألبوم (لينا معاد) في التريند، عايز أقولكم حاجة، عشان كنت أوصل إن ألبومي يدخل التريند كله، وبعيداً عن التريند يعجبكم كده… أنا مشيت مشوار كبير، أوله إني كنت بقرأ كل تعليقاتكم السلبية قبل الإيجابية، لأني عارف إنكم بتحبوني، وده خلاني أركز وأحلف جوا نفسي إني لازم أفرحكم وأخليكم فخورين بالمجهود اللي عملته».
وتابع تامر حسني: وتاني حاجة، احترمت ذكرياتكم اللي على صوتي، وتعبت تعب مش طبيعي، ودخلت مستشفيات نص السنة ومش بحب أقول ولا أنزل أخبار من دي، يا جماعة أنا بحبكوا أوي، ومن يوم ظهوري وأنا واحد منكم، عارف إن في ألبومات مكانتش قد توقعاتكم، وإن في ألبومات علامات مش هتتنسي، هي دي الحياة، شوية كده وشوية كده، بس عارف مدى حبكم لألبوم «عيش بشوقك»، فكان جوايا تحدي واحد بس، إني أتحدى نفسي في عيش بشوقك وأتفوق عليه.
وأضاف تامر حسني: فضلت أذاكر السوق الغنائي، وتغير أنماط الموسيقى اللي أنا بحترمها كلها، وبحترم كل الفنانين اللي نجحوا فيها، فضلت أطور من أدائي، وأذاكر جوا الاستوديو مع مهندسين صوت لمدة سنتين، وأجتهد مع الموزعين والملحنين والشعراء اللي بشتغل معاهم في تقديم أجدد شيء، ويمكن زعلوا مني كتير من كتر ما أنا عمال أغير وأعدل وأعيد من أول وجديد، بس دلوقتي فرحتي بالدنيا وهما بيشكروني قدامكم وعلى تليفوني من الإشادات اللي سامعنها منكم في حقهم.
واستكمل تامر حسني: اشتغلت الألبوم ده وأنا جوايا عناد رهيب إن الألبوم كله يعجبكم، أكيد هيكون في تفاوت في الإعجاب، بس المهم إنكم قدرتوا مجهودي والتنوع اللي قدمته في الأوديو والڤيديو، متشكر من قلبي لكل حد نصحني، وكل حد نقدني عشان بيحبني، أنا سمعت كلامكم وتعبت أوي، وانتوا أكيد شايفين، تعبت عشانكم، وعشان برضو أحاول أكون واجهة فنية موسيقية جميلة لمصر، بحكم إني بسافر كتير أغني قصاد العالم، واسمي مطرب مصري عربي.
الكاتب
التعليقات