علق  الفنان  أحمد رمزي على الانتقادات التي وجّهها طارق الشناوي لمسلسل فخر الدلتا.

صرح رمزي بإحدى اللقاءات التلفزيونية قائلاً:" رأي يُحترم طبعًا، أستاذ كبير، وإن شاء الله ناخد بالنا في العمل الجاي ويبقى أحسن وأحسن.. لكن اللي حاسس بيه بجد إن العمل اللي جاي هيكون أفضل".

استكمل رمزي حديثه:" أنا بجد أول مرة أسوق عربية، وعايزيني أجري على الطريق وسط ناس بتسوق بقالها عشرين سنة.. أنا نازل وسط منافسة نجوم كبار، وأنا تقريبًا أول حد".

تابع رمزي قائلاً:" أنا والكاست اللي معايا والمخرج كمان جديدين، وكل حاجة في التجربة جديدة، وده مش موجود في أي مسلسل في رمضان، هي تجربة محترمة ونستحق إننا نسقفلها، وطبيعي يكون فيها أخطاء".

أنهى رمزي حديثه:" الصعب في التجربة كان إزاي أحضّر للشخصية من غير افتعال، لأنها شخصية طبيعية جدًا، وده بيحتاج مجهود كبير عشان الناس تحس إن الشخص ده حقيقي والقريب بيني وبين الشخصية إني شخص مكافح وبحب أنجح".

شن الناقد الفني طارق الشناوي، هجوما سابقا على مسلسل فخر الدلتا ، وأكد في تصريحاته الأخيرة أنه سيمنح نفسه الوقت لمتابعة ردود الفعل والمنافسة، قائلا: "هستنى شوية لغاية ما هشوف مين ياخد لقب الأسوأ"، مشيرًا بذلك إلى أنه يفضل مشاهدة العمل بالكامل قبل إصدار أي حكم نهائي.

مسلسل "فخر الدلتا" بطولة أحمد رمزي وكمال أبو رية وانتصار وحنان سليمان وأحمد صيام ونبيل عيسى وخالد زكي، وأحمد عصام السيد وتارا عبود وعلي السبع وأحمد هشام ووليد عبد الغني وسارة علاء ولينا إيهاب وفرح عزت، قصة عبد الرحمن جاويش، ومن إخراج هادي بسيوني.