حرص الفنان سامح صفوت رسالة شكر وتحية لكل من اطمأن على حالته الصحية، وذلك بعد إعلانه عن تعافيه من أزمة صحية تعرض لها مؤخرا بعد رحلة علاج شاقة.

شارك سامح صفوت صورة له عبر حسابه على انستجرام وكتب: "الحمد لله على الشدة اللي عرفت الواحد مين اللي ظهر وقت التعب ومين اختفى، المرض كان وجع بس نعمة من عند ربنا لازم نشكره عليها وأنه كشف عن الناس الأصيلة اللي دعواتها كانت بتوصل شايلكم في قلبي والله، ولولا الشدة اللي الواحد مر بيها مكنش هيعرف الفرق بين شخصيات في حياته".

أستكمل سامح حديثه : "مين الصاحب أو ابن الناس الأصيل الجدع اللي بجد أو حتى معرفتي حديثة العهد بيه أشكره من كل قلبي، ومين اللي كان بيني وبينه عيش وملح وعشرة سنين طويلة وماعملش بيها وكان صاحب مصلحة، مع إن الواحد متربي من والده ووالدته رحمهما الله والبيت اللي طالع منه انه يصون العيش والملح ويراعي العشرة سواء في مجال الحياة الشخصية او العملية".

أضاف سامح قائلاً:" ناس كنا فاكرينها قريبين اتبخرت وناس مكناش نتوقعها كانت أول الحاضرين بالسؤال والدعوة والكلمة الطيبة، درس والواحد اتعلمه ومش هيتنسي، الحمد لله عدت على خير وطالع منها متعلم حاجة جديدة على رأي المثل الإنسان طول ماهو عايش بيفضل يتعلم".

تابع سامح : "واللي متابعيني وجمهوري اللي انتوا بالنسبة لي أهلي وإخواتي وعيلتي الكبيرة بشكركم من كل قلبي، وأشكر كل حد كتب لي كلمة ودعوة طيبة من قلبه، كمية الدعوات اللي جاتلي وأنا تعبان على صفحاتي و صفحات الغير وعلى كل المواقع فوق الوصف وفيها كمية حب صادق من القلب".

اختتم حديثه قائلا: "وكل واحد سأل عني من الوسط الفني والإعلامي والقانوني اللي هو مجال عملي الأساسي بصفتي محام مستشار قانوني بالنقض، حسيت اني بتعافى بفضل ربنا وقدرته ثم دعواتكم اللي وصلت وحسيت بيها وكانت سند ودعم وحسيت ان الدنيا لسه بخير وفيها ناس صافية ونقية زيكم، ربنا ما يحرمني من محبتكم ويكتب لكم أجر كل دعوة ويحفظكم ويجازيكم كل خير وما يكتب على حد المرض والضيق والشدة، بس لو جت اعرف إنها هتنضف حياتك، وحسبي الله ونعم الوكيل وفوضت أمري إليه في كل من اذاني في حياتي وكان السبب فيما جرى".

أثار منشور الفنان تفاعلًا واسعًا عبر مواقع التواصل الاجتماعي، حيث انقسمت التعليقات بين داعم له ومطالب له بضرورة تجاوز هذه المرحلة والتركيز على التعافي.