كشف الفنان الشاب صالح عبد النبي عن موقف صعب مر به قبل سنوات، تسبب في دخوله حالة اكتئاب استمرت لعامين، وذلك خلال لقائه مع برنامج Gossips.

روي الفنان صالح عبد النبي القصة قائلا:" من 12 سنة كنت فاتح صالون حلاقة، وصاحبي طلب مني أضمنه في قرض بنكي، ومعرفتش أعمل غير إني أكتب له المحل باسمه بعقد رسمي، وبعدها بيومين بس، لقيت ست داخلة بتقولي: إنت بتعمل إيه؟ دا المحل بتاعي".

تابع عبد النبي حديثه:" كانت صدمة ليا قعدت سنتين مكتئب ولغاية دلوقتي المحل دا جنب بيت أهلي ولما بروح لازم بشوفه،قعدت سنتين مش باكل ولا بشرب ولا بروح الجيم ومش بكلم حد وبعدين قلت مش هزعل تاني في حياتي، قررت أسيب لبنان وسافرت دبي قعدت سنتين تقريبا بعدين قلت عايز أرجع مصر وأخد ورش تمثيل واشتغل على نفسي أكتر وحجزت أول ورشة وأنا في دبي".

انهى عبد النبي حديثه:" أنا دايما بقول كتر الصحاب حواليك مش حلوة لأنك مش هتعرف تختار غير لما يبقوا قليلين".

شارك صالح عبد النبي في رمضان 2025 في الجزء الثالث من مسلسل "كامل العدد"، الذي ضم دينا الشربيني، شريف سلامة، مريم الخشت، أحمد كمال، أحمد جمال سعيد، تميم عبده ، ، جاسيكا حسام الدين ، مالك عماد ، حمزة دياب ، يوسف عمر ، يوسف جبريل ، لينا صوفيا، سيليا والفنانة القديرة إسعاد يونس ، و غيرهم كثير من النجوم ، المسلسل من تأليف يسر طاهر، رنا أبو الريش ومن إخراج خالد الحلفاوي.