حلت الفنانة جومانا مراد ضيفة ببرنامج "كلام نواعم" و كشفت عن نصائحها للسيدات من أجل شعورهن بجمالهن حيث ترى من وجهة نظرها ان النساء يحتجن الى سماع الكلام الحلو من أزواجهن. 

قالت الفنانة جومانا مراد:" كل ست لازم تبص لنفسها في المراية وتقول أنا أحلى ست في العالم، أنا بشوف نفسي إني بجنن".

استكملت مراد قائلة:" الستات بتحب تسمع كلام حلو، الست بتحب من ودنها أي حد يقدر يدخل حياتها من مدخل الكلام الحلو ليه متسمعيش نفسك كلام حلو؟ إحنا جلادين لنفسنا ليه ننتقد نفسنا ومش بنشوف غير عيوبنا نبص في المراية ونشوف العيب لأ أنا ببص في المراية بقول أنا حلوة وحتى عيوبي ميزة".

تابعت مراد:" كل ما بيكبر سني كل ما بحلو أكتر وبحس بنفسي أكتر وبحس إني عارفة نفسي وعارفة عايزة إيه، كل سن ليه حلاوته وجماله السن مجرد رقم، السن هو خبرة السنين وإزاي شخصيتك اتكونت وزمان مكنتش بعرف أطبطب على نفسي وآخر حد أفكر فيه هو نفسي لكن الموضوع اتغير لقيت أن كل ست محتاجة تطبطب على نفسها وتكون حنونة على نفسها وتكافئ نفسها متستناش حد يكافئها".

يذكر أن جومانا مراد شاركت في رمضان 2025 بالمسلسل الخليجي "أم 44" وهو من تأليف هبة مشاري، وإخراج المثنى الصبح، وشارك في بطولته عدد من الفنانين، أبرزهم: سمية الخشاب، جومانا مراد، وميس قمر، وهدى الخطيب.