تحدثت الفنانة دانا حمدان عن تجربة مؤلمة عاشتها بعد خضوعها لحقن تحفيزية للوجه في أحد مراكز التجميل بالساحل الشمالي.

قالت دانا في فيديو قامت بنشره عبر حسابها الشخصي بانستجرام قائلة:" عديت بأسوأ 3 أسابيع في حياتي، بسبب إني جيت أحقن حاجة على أنها مجرد سكين بوستر ومحفز لـ الوجه ومفيش فيها أي حاجة لتغير شكل وجهي، ولكن بعد الحقن مر شهر ولم أتحمل شدة الألم، موجهه لتلك العيادة رسالة: لو كان عندي تعاقدات عارفين اللي كنت هدفعه عشان مش قادرة أتحرك من الوجع ومن شكلي".

استطردت حمدان حديثها:" كان ممكن ردة فعلي تكون أبشع من كده بكتير، بسبب أن المقاوحة استفزتني وأنا مش عاوزة أتألم وأخد أدوية وأنتوا كـ عيادة اتفقتوا معايا على حاجة وتخلوني أعدي بالتجربة دي من الألم ازاي؟".

استكملت حمدان قائلة:" بصحى كل يوم وشكلي مش عاجبني، عاوزه شكلي الأولاني بخدودي الواقعة.. ولما كشفت بعد ذلك الألم الدكتور قالي كملي على الأدوية والدنيا هتعدي ولكن الأغلاط بالحاجات دي كترت ونقابة الأطباء محتاجة تراجع العيادات وهل دول فعلًا دكاترة؟.. ولا ناس عادية ولو هاخد إجراء قانوني فده من حقي، وعمري ما بطلع عالسوشيال ميديا غير عشان أقول حاجة حلوة، ومقدرش مقولش اللي حصل معايا".

أنهت دانا حديثها:" المكابرة شيء مش مقبول وكلمة سوري أكتر شيء مستفز، ومش معلش وأنا قولت اللي يرضيني وربنا بيحبني وعارف اني إنسانة، عشان كده أنقذني ولسه وشي واجعني من البلازما اللي عملوهالي، وبقى عندي صداع في دماغي وعمري ماهحط حاجة في وشي تاني لأن ده رعب".

وجهت دانا حمدان رسالة ضمنية لجمهورها بضرورة الحذر قبل الخضوع لأي تجارب تجميلية، حتى وإن كانت من منتجات جديدة أو عيادات معروفة، مؤكدة أن التجربة قد تتحول إلى معاناة صعبة وغير متوقعة.

تشارك الفنانة دانا حمدان كضيف شرف في فيلم "صقر وكناريا" بطولة النجم محمد إمام، حيث تجسد خلال أحداث العمل دور صديقة النجمة يسرا اللوزي.

فيلم "صقر وكناريا" تأليف أيمن وتار وإخراج حسين المنباوي، وإنتاج وائل عبد الله، ومن بطولة النجم محمد إمام، شيكو، يسرا اللوزي، إنتصار، يارا السكري، وغيرهم.