أوضحت الفنانة  شيرين عبدالوهاب عن  انتهاء الخلافات بينها وبين المحامي ياسر قنطوش، عقب إعلانه إيقاف التعامل معها مؤخرًا.

شاركت عبد الوهاب بيانا عبر حسابها الشخصي بانستجرام قائلة:" أنا عاوزة أوضح لجمهوري الحبيب إن اللي حصل بيني وبين المستشار ياسر قنطوش هو مجرد سوء تفاهم عابر بيحصل عادي بين الأخوات".

تابعت شيرين حديثها:" الأستاذ ياسر أخ وصديق ومن أكتر الناس اللي خايفة على مصلحتي وحريص على استعادة حقوقي بأمانة وضمير، عشان كده لا يمكن ألغي توكيلاتي عنده".

استطردت شيرين قائلة:" إختلاف وجهات النظر أحياناً بيتسبب في خلافات بسيطة نقدر نحلها وده اللي حصل فعلاً، حابة بس أقول ان الأستاذ ياسر كان وهيفضل المحامي بتاعي وماعنديش محامي غيره".

كان المستشار القانوني ياسر قنطوش أصدر الأيام الماضية بيانا رسميا، نص على أنها استغاثت به بوجود حسام حبيب في منزلها ومن ثم أغلقت هاتفها مما دفعه لاصدار بيان يستغيث خلاله بوزارة الثقافة لإنقاذها من هذا الشخص، وفي المقابل أكدت شيرين عبد الوهاب أنها غير مسئولة عن بيان محاميها، بل وألقت اللوم عليه بهذا التصرف.

وجاء نص ردها كالتالي: “ من اللحظة دي يا أستاذ ياسر، إنت مش المحامي بتاعي، وهنزل بيان بده، ولو اتكلمت عني أي كلمة، حلوة أو وحشة، هتتحسب عليك علشان متعملش مؤتمر صحفي وتطلع تتكلم عن شيرين عبد الوهاب، أي كلمة هتتحسب عليك”.