روت  الفنانة القديرة عبير عادل عن سبب غيابها عن الشاشة طوال الفترة الماضية، و التي استمرت لسبع سنوات.

صرحت عبير عادل في إحدى اللقاءات التلفزيونية قائلة:" قلة الأعمال المعروضة عليا  دفعني  للعمل على سيارتي كسائقة في أحد تطبيقات التوصيل،الشغل شرف لأي إنسان ممكن يكون في متغيرات في حياته في الظروف المحيطة، مفيش شغل كانت الوسيلة اللي قدامي إني استخدم العربية علشان اشتغل، من ممثلة لسائقة توصيل، رد فعل الناس اتبنى عليه رد فعلي مكنتش متخيلة أن رد الفعل هيبقى بالشكل الإيجابي السريع أنا انبسطت من رد فعل الناس لأنهم شجعوني مكنتش متخيلة دا".

استطردت عادل حديثها:" بقالي 7 سنين غايبة عن الفن ومش بإرادتي السوق عرض وطلب مش بطلب، في الفن تتوقع أي حاجة لأن هي لعبة أنتي مش عارفة الدور بتاعك هيخلص أمتى بتبقى حاجة مؤثرة طبعا في اللي بيحب اللعبة دي لما بيطلع برا الملعب بتاعة أكيد زعلانة ونفسي أنزل اشتغل تاني لكن وجدت البدائل عشان الحياة تستمر".

تابعت عادل حديثها:" لما لقيت الفترة طولت والاحتياجات والمتطلبات بتزيد دا طبيعي كان لازم أدور على بديل، في أول يوم وأنا بشتغل كنت خايفة لأن كل شغلانة ليها تفاصيلها وأدواتها ومكنتش عارفة أي حاجة بس اتعودت وبقيت عارفة، أول راكب كانت واحدة ست ووديتها منطقة كانت شعبية وبعد ما نزلت مبقتش عارفة أطلع من المنطقة إزاي وبقيت اسأل الناس وبعدها جالي طلب تاني من ست كانت لطيفة، الأولانة مرضيتش تقعد جنبي وقعدت ورا ومكنتش بتتكلم معايا وأنا أصلا مخضوضة وتجربة جديدة وهي زودتلي التوتر، التانية كانت ست لذيذة وقعدت تتكلم معايا ووصلتها المشوار بتاعها معرفتنيش لأنها مكانتش مصرية".

يذكر أن أبرز أعمال عبير عادل، الفنية كانت من خلال مسلسل “لن أعيش في جلباب أبي” بطولة الفنان نور الشريف، عبلة كامل،محمد رياض، عبدالرحمن أبو زهرة، وعدد أخر من نجوم الفن وإخراج أحمد توفيق.

كما شاركت في مسلسل “نونة المأذونة”، بطولة الفنانة حنان ترك، رجاء الجداوي، إيهاب فهمي، إيمان السيد، وائل علاء، هبة عبد الرحيم، ليلي جمال، عبيرعادل، أشرف مصيلحي، صبري عبد المنعم، عبد الله مشرف، عمرو عبد العزيز، وعدد أخر من نجوم الفن، إخراج منال الصيفي، تأليف فتحي الجندي