حرصت الفنانة فريدة سيف النصر الرد على المخرج أحمد خالد موسى، مخرج مسلسل العتاولة، بعد أن أشار في إحدى لقاءاته الإعلامية إلى أن التعاون معها سام.

شاركت سيف النصر منشورا عبر حسابها الشخصي بالفيسبوك قائلة:" ده اتبعت لي من صحافيين قالولي ردي عيب والله.. ووالله العظيم قسم يتهز له سبع سموات، برغم كل ما قالوه زمايلي من شكر ليا من السقا لطارق في حبر سري.. لمي كساب لبني ونس وكل الشباب بلا استثناء كلام كله حب وتقدير.. في بوستات وفي برامج..باشكرهم كلهم هدي الاتربي نهي عابدين.. زينب العبد منه تيسير والشباب مؤمن نور كريم محسن .فاضل مين ولوحدهم والله شكروا".

استطردت سيف النصر حديثها:" ولكن توصل لسامه لا طبعا ربنا مايجيبش حاجه وحشه ابدا وبالعكس أنا كنت بحبك زي فيفي مابتقول الله يكرمها بوقفتها وكلامها عنك حقيقي ماحدش يكرهك كتر خيركم، وليه الحياه بسيطه وبتخلص بالراحه اللي عايز حاجه ياخدها كله بيخلص.. طيب يااستاذ.. تعالي نتفق علي حاجه..المسلسل نسيته من بعد مامشيت خلاص بس الزملاء والبرامج والمواقع هما اللي ليسالوا علي السامه ادمنوني.. بص انسي يااستاذ وجودي اصلا معاكم وانت فعلا ناسيني كا شريك اول معاكم بكل حبي ماعلينا.. انساني وحياة حبيبك النبي..مش كل شويه مواضيع".

استكملت فريدة قائلة:" حتى نجمتك الكبيرة فيفي عبده مع انجي علي برضه وعملت لي مينشن أنا باشكركم من قلبي خاصة انت.. وياجماعه كل الكلام علي جنب وكلام المخرج القائد المحترم كوم هو الصادق.. أنا توكسيك أنا مشاكل مع ١٠٠ شخص.. أنا حد مش كويس.. تخطاني يااستاذ انساني انت صح في كل كلمه الله يكرمك.. ولا تحب نقرأ فاتحه تاني أن ماحدش يجيب سيرة حد باتهامات الله اعلم بيها ورسوله والمؤمنون.. ربنا يكفيك شر الناس السامه اللي زيي بعد اربعين سنه اعمال ناجحه وماحدش جاله تسمم.؟كتر خيرك وحياة ولادك انساااااني ونعتبر ده قفل للموضوع.. وانت الصح ياجماعه أنا باقول لكم هو الصح وكلامه صح خلصنا بقي وبالانجليش. Let it go...move on..شكرا".

يذكر أن مسلسل العتاولة 2 شهد غياب عدد من نجوم الجزء الأول أبرزهم مي كساب وفريدة سيف النصر كما أنه شهد انضمام نجوم جدد أبرزهم الفنانة فيفي عبده.

شارك في بطولة مسلسل العتاولة 2 عدد من نجوم الفن أبرزهم: أحمد السقا، طارق لطفي، زينة، باسم سمرة، حنان يوسف، صلاح عبد الله، سامي مغاوري، ميمي جمال، هدى الإتربي، أحمد كشك، مؤمن نور، مريم محمود الجندي، والعمل تأليف هشام هلال ومن إخراج أحمد خالد موسى.