أعربت الفنانة منة فضالي عن استيائها الشديد من التعليقات السلبية والتدخل في حياة الآخرين حيث وجهت رسالة شديدة اللهجة عبر حسابها الشخصي بانستجرام.

صرح فضالي قائلة:" إيه قمة الحقد ده والكلام غير المحترم، ما تسيبوا الناس في حالها اللي يتجوز باركوا، وقولوا كلمتين حلوين، واللي ينفصل نقول ربنا يهدي النفوس، إيه فجأة بقيتوا بتفهموا وماشيين على الصراط المستقيم وإنتم كلكم عيوب".

استطردت فضالي حديثها قائلة:" هو يا نفضح ونغلط عشان نوصل ترند، يا إما نعمل حمامات سلام عشان تكسبوا الطرف التاني، عالم منافقه وكدابة أعوذ بالله منكم، ليه ندخل في حياة الناس ليه إيه الحكمة بتستفيدوا إيه بالغلط والشتيمة والفضايح".

أنهت فضالي حديثها قائلة:" ليه مبتتمنوش الخير لغيركم صفوا النية خلي في قلوبكم شوية رحمة، محدش عايش في بيوتنا علشان تكتبوا وتتكلموا عننا، فلان اتجوز ..فلان طلق عشان فلان.. فلان كان مصاحب فلان إنتم مالكم، يا ساتر الواحد قرف بجد".

تفاعل عدد كبير من متابعي منة فضالي مع منشورها، مؤكدين دعمهم الكامل لكلامها ومطالبين بوقف التنمر والتجريح بحق الفنانين، خاصة مع ما يواجهونه من ضغوط مهنية وشخصية في ظل تسليط الأضواء الدائم عليهم.

يذكر أن آخر أعمال الفنانة منة فضالي هو مسلسل أزمة ثقة بطولة نخبة من نجوم الدراما التلفزيونية هم نجلاء بدر، هاني عادل، ملك أحمد زاهر، هاجر الشرنوبي، تأليف أحمد صبحي، إخراج وائل فهمي عبد الحميد.

من ناحية أخرى، تشارك الفنانة منة فضالي في مسلسل وننسى اللي كان، والمسلسل من بطولة الفنانة منة فضالي والفنان خالد سرحان، للمشاركة في بطولة مسلسل وننسى اللي كان، إلى جانب الفنانة ياسمين عبد العزيز، استعداد لعرضه في رمضان المقبل، ليكونوا احدث المنضمين للعمل.