أعربت الفنانة مي عمر، عن سعادتها بافتتاح المتحف المصري الكبير خلال الساعات القليلة الماضية، والمقرر انطلاقته السبت المقبل الموافق لـ 2 نوفمبر.

نشرت عمر عبر حسابها الشخصي بالفيسبوك قائلة:" من وأنا طفلة صغيرة، كان عندي حلم أزور الأهرامات وأحس بعظمة المكان ده. وفعلا زرتها لأول مرة من أكتر من 20 سنة، وقتها كانت لحظة سحرية عمري ما نسيتها".

استكملت مي عمر حديثها:" النهاردة، بعد كل السنين دي، رجعت أزور الأهرامات من تاني.. ومن اللحظة الأولى انبهرت بالتطور الرهيب اللي شفته، شفت قد إيه المكان اتحول لمزار سياحي عالمي بمعنى الكلمة، المكان بقى منظم، جميل، راقي وكل تفصيلة فيه بقت بتحكي مش بس عن تاريخنا، لكن كمان حاضرنا اللي بنفخر به".

تابعت عمر قائلة:" وده كله بفضل المجهود الكبير اللي اتعمل، والقيادة اللي آمنت إن مصر تستحق تكون في المكانة دي كل التقدير والاحترام لفخامة الرئيس عبد الفتاح السيسي، اللي بيشتغل بكل إخلاص علشان يرفع اسم مصر، ويخلي كل مصري يحس بالفخر في كل خطوة وفي كل لحظة، شكرًا لأنك رجّعت لمصر هيبتها، وجمالها، ومكانتها اللي تستحقها، مستنية من كل قلبي لحظة افتتاح المتحف المصري الكبير.. لحظة هنعيش فيها فخر جديد، ونشوف حضارتنا العظيمة وهي بتتجدد قدام عيون العالم كله مصرية وأفتخر".

كانت أعلنت مي عمر عن خوضها السباق الرمضاني لعام 2026 بمسلسل جديد يحمل عنوان "الست موناليزا"، من تأليف محمد سيد بشير، في أول تعاون بينهما، وإخراج محمد علي.