حلت الفنانة هالة صدقي ضيفة ببرنامج  «خيمة onetake» و تحدثت عن الكثير امورها الشخصية و الفنية.

قالت الفنانة هالة صدقي عن  نجاحها في مسلسلي «إش إش»، و«قهوة المحطة»:" يهمني جدًا كـ هالة أن الناس تتوقع أن هعمل ايه، كوميدي ولا درامي، وده اللى خلى الناس تتفاجأ في الأول من شخصية شادية وإلا كانوا بيقولوا أني بقلد شخصية صفصف".

أشادت هالة صدقي خلال اللقاء بفريق عمل مسلسل إش إش، موضحة: «انتصار كانت مفاجأة وكنت بتابع معاها كل يوم لحد ما اتأكدت أنها مضت على الدور، ومي عمر أثبت نفسها بجدار، وعصام السقا وشيماء سيف عاملين أدوار جديدة، وإدوار ودينا كمان، والمفاجأة في الأيام اللى جاية هو ماجد المصري».

تطرقت صدقي في حديثها عن اعتزال المخرج محمد سامي حيث قالت:« محمد سامي فنان نادر ومخلص في شغله وده بيجي على أعصابه بشكل كبير، وبتمني ميكررش تجربة أنه يعمل مسلسلين في موسم واحد، لأن ده بيأثر عليه وهو سبب قراره في الاعتزال، لكن هيرجع الموضوع مش بمزاجه».

كشفت صدفي عن دخولها مجال البزنس و قالت:« لازم الفنان يحترم نفسه ويحترم تاريخه وده سبب يخليه يكون عنده بيزنس خاصة بعيد عن الفن لأن الفن ملهوش أمان، أو تقبل بأي دور يجيلك عشان تقدر تشتغل».

هالة صدقي تشارك في السباق الرمضاني لعام 2025 بمسلسل إش إش المعروض على قناة MBC مصر، بطولة مي عمر، ماجد المصري، محمد الشرنوبي، انتصار، دينا، شيماء سيف، طارق النهري، ندا موسى، إدوارد، عصام السقا، إخراج محمد سامي.