ظهرت الفنانة هنا الزاهد ضيفة على إحدى حلقات برنامج «abtalk»، الذي يقدمه الإعلامي أنس بو خش، لتكشف عن كثير من الأسرار والكواليس الخاصة بحياتها.

كشفت الفنانة هنا الزاهد عن اصعب فترة مرت بها حيث قالت:" الانفصال، عديت به لوحدي ومحدش ساعدني غير نفسي، تجربة متمنهاش لأى حد، وقررت ابقى كويسة، وقولت عايزا ابقى كويسة وانسى اللي راح، والله العظيم أنا مش فاكرة الذكريات كأنها اتمسحت 5 سنين اتمسحت، في سنة عندما كنت في البيت وخلاص بقى هيحصل الانفصال أنا كنت في اكتئاب حوالي 9 شهور لغاية ما انفصلت وكان شكلي غريب جداَ وقلبي حزين".

قالت هنا الزاهد عن كيف يمكن المحافظة على استمرار المشاعر في الزواج:" لازم الإنسان يبقى صادق جدا، ولما يبقى عايز يبعد يقول عايز أبعد، ولازم نقول لبعض كل حاجة، وأنا شايفة إن اللي بيحب بجد عمره ما يزهق من اللي بيحبه، ما ينفعش يبقى في أنانية، ولازم تفهم أوي اللي قدامك ويفهمك، ويبقى في إخلاص، ومفيش خيانة بأي الأشكال".

استطردت هنا الزاهد بحديثها عن الغيرة في الزواج قائلة: "الغيرة حلوة بس مش الغيرة القاتلة، لو في فتور ومفيش غيرة بتبقى وحشة، وإنك تنام واثق في اللي قدامك إنه عمره ما هيخذلك دي حلوة أوي".

عرض لهنا الزاهد مؤخرا مسلسل "إقامة جبرية"، من بطولة صابرين، هنا الزاهد، ومحمد الشرنوبي، ثراء جبيل، عايدة رياض، محمود البزاوي، ولطيفة التركي، وجلا هشام. تأليف أحمد عادل، وإخراج أحمد سمير فرج.