حلت الفنانة هند صبري ضيفة على الإعلامي محمد قيس في برنامج "عندي سؤال"، وتطرقت خلال اللقاء للحديث عن تفاصيل خاصة بمشوارها الفني ومعتقداتها الشخصية.


تحدثت صبري عن احتمالية تقديم جزء ثالث من مسلسل «البحث عن علا» قائلة:" الجزء التاني اتشاف أكتر من الأول، لكن يمكن الزخم على السوشيال ميديا كان أقل. اللي خلاني أقف وأفكر إني حسيت إني داخلة في حتة يلا نحلب الشخصية، وده مش مريح بالنسبة لي. الشخصية لو ملهاش دوافع حقيقية وجديدة، مش هقدر أعمل لها جزء ثالث، مش عايزة أدخل في حتة الاستسهال لمجرد إن العمل ناجح".

تابعت صبري قائلة:" مفتكرش في جزء ثالث من البحث عن علا، ده مش قراري لوحدي، لكن مش شايفة حاجة جديدة لعلا ممكن تقولها".

تطرقت هند في حديثها حول رفضها المشاركة في عدة أعمال العام الماضي بسبب عدم شعورها بالرغبة في العمل حيث قالت:" عمري ما أشتغل علشان الفلوس، الحمد لله مش محتاجة، ومبسوطة إني بكسب فلوس كويسة من عملي،والله أنا عارفة في ناس ممكن متصدقش، لكن ساعات ببقى ناسية أنا أخدت الدفعة المستحقة أو لأ، اللي بيشتغلوا معايا بيفكروني".


أوضحت  هند أن القدرة على الاستغناء تمنحها حرية أكبر في اختيار أعمالها: "الحرية دي بتخليني أرفض حاجات مش عايزة أعملها، أو حتى لو عايزة أعملها بس حاسة إن الوقت مش مناسب وعايزة أرتاح شوية. السنة اللي فاتت اعتذرت عن كذا حاجة لأني ما كانش عندي نفس أشتغل".


تعاقدت هند صبري مؤخرًا على بطولة مسلسل جديد بعنوان "دم على نهد"، المأخوذ عن رواية تحمل نفس الاسم للكاتب إبراهيم عيسى،كتب لها السيناريو والحوار وائل حمدي ومحمد هشام عبية، والإخراج لمريم أحمدي، والإنتاج لصادق الصباح.