بعثت الفنانة وئام مجدي رسالة شكر لكل من قدّم لها واجب العزاء في وفاة جدتها، وذلك عبر خاصية "الستوري" على حسابها الرسمي بموقع "إنستجرام".

قالت وئام:" شكرًا لكل حد كلّمني أو بعتلي أو كان معايا النهارده، وأسفة لو ما رديتش على حد، ادعوا كتير في الأيام الحلوة دي لصاحبة عمري كله.. تيتة".

أعربت الفنانة وئام مجدي عن حزنها الشديد على فقدان جدتها حيث قالت:" قد ايه انا ممتنه لتيته و ايامى معاها مبسوطه انى كنت دايما بحب اسمعها و هى موجوده ان هى سبب انى ابقى احسن مكنتيش جده كنتى صاحبتى اللذ و الاحلى و الاقرب كنتى سبب انى اطلع من حته ضلمه اوى و زعل لضحك و هزار و حب ناس محظوظه بكى و بلذاذتك و بحب الدنيا كلها ليكى اه انا قلبى زعلان و اوى”.

تابعت وئام حديثها:" لكن انتى مكنش ينفع تتعبى اكتر من كده انتى متستهليش غير ان وشك ده يضحك و ده كان سبب الڤيديوهات انا واحده كان عندى اكتئاب من ظروف و انتى عندك اكتئاب انك  عيانه و عيشنا سوا سنين حولنا ده ل ايام ضحك و حلوه و حب الناس اللى كان ملوش اخر بس اخر كام شهر نفسى انساهم من حياتى من العذاب اللى شوفتك فيه و استسلام انى اتفرج عليكى و انتى بتمشى و لا يا وئام الموضوع مسأله وقت هى مش هتبقى كويسه…شكرا على الايام الحلوه الكتير اوى و على الضحك كنت بقول امبارح و انا جمبها انتى طول الوقت لاخر لحظه بتندهى وئام وئام لو فوق مقولتيش وئام وئام برضو علشان ربنا يبقى معايا بعدك هزعل اوى انتى الناس زعلت عليكى كانك من عليتهم”.

اختتمت وئام حديثها، معلقة: "انا من يومها لحد دلوقتى جالى اكتر من ٦٠ الف ماسدچ الناس بتعزينى فيكى و ناس بتقولى لا تيته لا انتى مش محبوبه عادى .. ربنا يرحمك يا حلوه و انتى معايا و هفضل اشوفك و انزل كل حاجه حلوه بينا علشان انتى مش هتبقى وقت و عدا فى حياتى انتى مكمله معايا طول عمرى  بس بقولك ايه برضو مش هتجوز يا تيته .. و زى ما كنتى بتقوليلى انتى حبيبتى لا ده انتى اللى حبيبتى و حبيبت عمرى كله .. بحبك".

يذكر أن آخر أعمال وئام مجدي فيلم الصفا الثانوية بنات ويشارك في بطولة الفيلم كل من على ربيع، محمد ثروت في دور ناظر المدرسة، وأوس أوس «عامل في المدرسة»، وسارة الشامي كمدرسة، بينما يظهر نجم كرة القدم عصام الحضري كضيف شرف في دور مدرب لأحد الفرق المشاركة في المسابقة.

الفيلم من تأليف وليد أبوالمجد وأمين جمال، ومن إنتاج أحمد السبكي وكريم السبكي، وتم عرض الفيلم في جميع دور السينما المصرية خلال موسم عيد الفطر 2025.