كشف المخرج محمد دياب عن خوضه تجربة سينمائية أمريكية جديدة، وهي ثاني أعماله في هوليوود، وذلك بعد النجاح الذي حققه من خلال مسلسل “Moon Knight” ضمن عالم مارفل،وهو فيلم أمريكي بعنوان “The Note”، وذلك خلال ظهوره في إحدى اللقاءات التلفزيونية.
صرح دياب قائلاً:" نفسى أعمل حاجات إنسانية زي الأفلام اللي باحبها أكتر من الأبطال الخارقين، نفسى أعمل حاجة زى 678 واشتباك فى أمريكا، وده المشروع اللي جاي واسمه The Note، المشروع بالتعاون مع نتفليكس وأبطاله أمريكيين وقصته فيها جزء من قصة حياتي وتجربتي في أمريكا وأنا باعمل فيلم مارفل والانبهار بالحلم الأمريكي لغاية ما تحس إنه مش حقيقي”.
تحدث  محمد دياب عن فيلمه الأخير "أسد" واللي هيتعرض قريب في السينمات، وقال: "محمد رمضان كان داخل المشروع ده وبيعمل كل حاجة عشان ينجحه، والفيلم ده بيتعمل من 6 سنين والمشروع غالي جدًا وإنتاجه اتكلف ما بين 300 و400 مليون جنيه، وفي وقت معين ماكنش ينفع باسمي أنا أو اسم محمد رمضان إن يتحطله الفلوس الكتير دي، فهو اتعمل دلوقتي في التوقيت المناسب".
تابع محمد دياب:" الفيلم أحداثه بتدور في القرن التاسع عشر بعد عصر محمد علي بشوية، والفيلم أحداثه بتدور في وقت زمني حقيقي وأحداثه حقيقية بس القصة نفسها مختلقة، وقصتنا بتتكلم عن عالم تجارة العبيد".
 يضم العمل نخبة من النجوم، بينهم محمد رمضان وماجد الكدواني، وسط توقعات بأن يحقق العمل صدى واسعًا فور طرحه في دور العرض.