بعد الجدل الذي أثير حول مسلسل “بريستيج” وتشابه فكرته أو بوستره مع أعمال أجنبية، خرج المخرج عمرو سلامة عن صمته ورد في لقاء له عبر برنامج “تفاعلكم” مع سارة الدندراوي على هذه الاتهامات.

قال سلامة:" أنا معتقدش إني شفت عمل مصري في آخر 10 سنين نزل له إعلان أو بوستر، والناس متهمتوش إنه مسروق من حاجة بره بشكل أو بآخر… ده بقي جزء من استقبال أي عمل جديد".

استطرد سلامه حديثه:" إحنا مش مستوحين المسلسل خالص من أي عمل، لكن بعد ما بدأنا التحضير، حد قالنا إن في فيلم إسباني فكرته شبهه شوية، فبصينا عليه عشان نتأكد إن مفيش أي علاقة. في ناس شبهته بعد كده بأعمال تانية، سواء مصرية أو أمريكية، لكن دايماً بيحصل تشبيهات من غير أساس،لو الواحد ركز مع دا، مش هيعمل أي منتج في الدنيا”.

المسلسل من بطولة محمد عبد الرحمن توتا ومصطفى غريب ومغني الراب زياد ظاظا وسامي مغاوري ودينا من تأليف إنجي ابو السعود وإخراج عمرو سلامة.