حل  المخرج وليد الحلفاوي ضيفا على برنامج أسرار النجوم" المعروض عبر "نجوم إف إم" وتحدث خلاله عن فكرة تقديم السيرة الذاتية لوالده الراحل الفنان نبيل الحلفاوي بعمل فني خلال الفترة المقبلة.

قال وليد الحلفاوي:" نبيل الحلفاوي كان راجل هادي ومثقف وكلامه بيرن في أذن أي حد بيسمعه، عاش فترات كتيرة في حياته ومر بمراحل وتجارب مختلفة، وموضوع إني أقدم السيرة الذاتية بتاعته دا محير، لأنه فيه ناس بتحب تشوف الفنان في أعماله بس بعيدا عن حياته".

استطرد وليد الحلفاوي حديثه:" فيه ناس بيبقى عندها فضول تعرف التفاصيل الشخصية للفنان، والأعمال اللي اتعملت قبل كده عن السير الذاتية للفنانين فيه منها نجح وعجب الناس، والناس بتبقى عايزة تعرف كواليس حياة السياسيين والشخصيات التاريخية أكتر".

كشف المخرج وليد الحلفاوي عن نظرته النقدية لأعماله الفنية وتجربته في عالم الدراما، متحدثًا عن كواليس مسلسله الجديد "كتالوج" حيث قال:" أنا بنتقد أعمالي طول الوقت، حتى لو العمل من 6 سنين، وبييجي عليا وقت في المونتاج بقول كفاية ده لازم يقف علشان الشغل يطلع، وأنا الحمد لله ربنا كرمني في أعمال كتير الناس حبتها ولكني مبحبش أشوفها لأني مبشوفهاش كمشاهد وبنتقد نفسي".

تناول أيضًا تفاصيل مسلسل "كتالوج"، مشيرًا إلى أن سبب اختياره للفنان محمد فراج لتقديم البطولة يعود إلى قدرته على تجسيد شخصية مليئة بالتوتر، قائلًأ: "الشخصية كان فيها كم من التوتر وفراج يعرف يعمل الحتة دي كويس أوي من غير ما التوتر يكون مزعج للمشاهد، إحنا محظوظين بجيل محمد فراج وتايسون ، كان في ناس كتير أوي في كواليس مسلسل كتالوج كانوا بيعيطوا، وتفاجأت أننا بعد تصوير مشهد بعد وفاة الأم العمال كانوا في حالة صمت ومحدش كان عايز يتكلم".

رحل الفنان نبيل الحلفاوي عن عالمنا الأحد 15 ديسمبر 2024، عن عمر ناهز 77 عاما.

يذكر أن  آخر أعمال المخرج وليد الحلفاوي مسلسل "كتالوج" من بطولة ريهام عبد الغفور، ومحمد فراج، وتارا عماد، وسماح أنور، وأحمد عصام السيد، ودنيا سامي، تأليف أحمد عبد الله ومن إخراج وليد الحلفاوي، وإنتاج أحمد الجنايني.