تصدرت جهاد أحمد زوجة مطرب المهرجانات عصام صاصا، مواقع التواصل الاجتماعي بعد تعليقها على خبر طلاقهما، حيث خرجت عن صمتها موضحة أن الانفصال وقع منذ فترة وليست حديثا كما يعتقد البعض.

نشرت جهاد ستوري عبر حسابها الشخصي بانستجرام موضحه فيه اسباب الطلاق حيث قالت:" أنا منفصلة بقالي فترة على فكرة، مش عشان امبارح كنت بسلم على صحابي، وكل واحد فيهم معاه مراته أو خطيبته".

تابعت جهاد حديثها:" وأعلنت دلوقتي عشان في ناس كتير بتسأل: جوزك فين؟ فقولت أريّحكم خالص وتعرفوا إنه مبقاش في حياتي ولا أنا موجودة في حياته".

استطردت جهاد حديثها قائلة:" مش عشان تاخدوا الموضوع تريند يا عالم يا مريضة، بس يلا بينا قلة أدب بقلة أدب..واللي هيطلع يتعدى في كلامه ويتطاول فوق إنه بيوصل الخبر، أنا كمان هاخد كلام وهروح أقدّم بلاغات، حتى لو هعمل ألف بلاغ في يوم".

كانت تعددت الشائعات التي رافقت إعلان الانفصال، حيث ادّعت بعض الصفحات أن الخلاف وقع بسبب ارتداء جهاد فستانًا غير مناسب خلال مناسبة حضرتها مع أصدقائها، الأمر الذي نفاه صاصا لاحقًا بشكل قاطع.